“Praktika në kompani, kur dhe si ndikon kjo në karrierën time?”- është një pyetje që bëjnë shumë të rinj. Por, për fat të keq, nuk ka një përgjigje të qartë.  Çdo rast është i ndryshëm dhe varet nga ju që të vlerësoni situatën tuaj dhe të kuptoni nëse jeni duke ndërmarrë hapin e duhur. Ndërsa e bëni këtë, ka disa gjëra për t’u marrë në konsideratë: 1) A jeni duke marrë diçka që ia vlen nga praktika që po bëni? Jeni duke pirë kafe çdo ditë dhe po merreni me kopje dokumentash, apo jeni duke mësuar vërtetë diçka dhe jeni duke depërtuar  në industrinë që keni zgjedhur? Këtë e kuptoni në momentin kur bëni një vlerësim të punës që po kryeni dhe në qoftë se aftësitë qe po merrni po ia vlejnë. 2) Sa zgjat praktika juaj?  Shumica e njerëzve kanë tendencën për të hyrë në një praktikë pas shkollës së mesme ose univesitetit,  pasi ata përpiqen që të bëjnë debutimin e tyre në industrinë e tyre të zgjedhur. Pra, mendoni: Sa zgjat praktika juaj?A është një muaj? Tre muaj? Gjashtë muaj? Apo pa afat? Shumica e praktikave kanë tendencë të zgjasin rreth tre muaj. Nëse jeni në praktikë dhe keni punuar pa pagesë për një periudhë të gjatë kohore, duhet ta rivlerësoni gjendjen tuaj. 3) A mund ta përballoni?  Paraja mund të jetë një faktor nëse merrni përsipër të bëni një praktikë apo jo dhe kjo është diçka normale. Nëse nuk mund të përballoni një punë të papaguar, filloni të shikoni rrugë të tjera për të hyrë në industri, ose zgjidhni të punoni me kohë të pjesshme sa për të paguar faturat. 4) A po bën në të vërtetë një praktikë?  Një kontratë pune lind edhe kur palët krijojnë një marrëveshje me njëri-tjetrin, mund të mos jetë punë e mirfilltë dhe të mos paguheni për punën që bëni. Për këtë ekzistojnë disa tregues të rëndësishëm për t’u  marrë në konsideratë. Si p.sh. nëse biznesi ka ecur më mirë gjatë periudhës që ju keni kontribuar, mos harroni të flisni me punëdhënësin tuaj dhe kuptoni natyrën e vërtetë të marrëdhënies tuaj me të. Praktika apo eksperienca internship do të ishte gjithmonë me vlerë për këdo përsa kohë do të ndikonte në përmirësimin e aftësive tuaja. Nëse e dyshoni këtë drejtojini vetes disa pyetje si këto që ju përmendëm dhe merrni një vendim. Ndërkohë që jeni duke vlerësuar ne ju ftojmë të vizitoni disa mundësi internshipi apo punësimi që mund t'ju përshtaten, të publikuara në duapune.com: Internship Ekonomiste Inxhiniere Ndertimi  Agjent Terreni Consulenti per attivita' di sollecito pagamenti Agjent Imobiliar Asistente Shitje Asistent ne dyqan Mos hezitoni të lundroni më tej në duapune.com dhe të njiheni me mundësitë që ofron tregu i punës. “Miku juaj për punë dhe karrierë” – duapune.com