Për të mbështetur një koleg që lufton me probleme profesionale ose personale, duhet takt dhe empati. Këtu janë disa këshilla për ta ndihmuar atë, pa ndërhyrë shumë në jetën e tij.

Nëse shenja të caktuara ju bëjnë të mendoni se një koleg i juaji po kalon një periudhë të keqe, për arsye profesionale ose personale, mbase po pyesni veten se si të ofroni ndihmën tuaj pa qenë ndërhyrës. Në situata të tilla, duhet takt dhe empati. Nëse mbështetni një koleg në një situatë të vështirë, ju tregoni anën tuaj miqësore dhe shprehni empati ndaj kolegut duke i dhënë të kuptojë se mbi gjithçka qëndron humanizmi dhe se në situata të tilla puna apo marrëdhëniet profesionale mund të lihen mënjanë. Duke vepruar kështu, ju kontribuoni gjithashtu në ndërtimin e një atmosfere sociale pune, ku gjithkush të mund të ndihet i pa kompleksuar dhe i lirshëm.

Ja disa këshilla se si të jepni mbështetjen më të mirë të mundshme:

– Edhe nëse nuk dini shumë për kolegun tuaj në vështirësi, në mënyrë diskrete tregoni se jeni të gatshëm të dëgjoni. Nëse, nga ana tjetër, është një person që është më afër jush, ju mund ta pyesni atë drejtpërdrejt nëse ka nevojë për të folur. Jini mirëkuptues nëse personi të cilit po i jepni mbështetje preferon të mos flasë.

– Dëgjoni, mos gjykoni. Mos u mundoni të minimizoni ose fajësoni. Sugjeroni në vend që të jepni këshilla shumë të drejtpërdrejta.

– Nëse kolegu nuk dëshiron të flasë, vëmendja mund të tregohet edhe në mënyra të tjera: për shembull duke i ofruar një kafe ose duke e ndihmuar atë në punën e tij.

Burimi: linkedin.com