Në shumë ambiente pune do t’ju kërkohet që të punoni edhe në grup. Nëse po punoni për arritjen e një qëllimi të përbashkët, ose po punoni për një projekt me kolegët tuaj, është e rëndësishme që ju të keni aftësi për të qenë i rëndësishëm si anëtar grupi dhe të kontribuoni në projektet e grupit. Bashkëpunimi  është çelësi i një ambienti pune produktiv dhe harmonik. Duke pasur aftësitë dhe karakteristikat për tu dalluar në një ambient grupi do të kuptoni se ju jeni të suksesshëm si në nivelin personal dhe atë profesional. A jeni një lojtar i mirë skuadre? Zbulojeni duke ju përgjigjur pyetjeve përkatëse. 1. A e konsideroni veten tuaj një pjestar të rëndësishëm të grupit? a) Po, jam personi më i zgjuar i grupit. b) Çdo anëtar i grupit ndodhet aty për një arsye të veçantë, dhe secili i shfaq aftësitë në mënyrën e tij. c) Jo, unë zakonisht distancohem dhe i lë të tjerët të drejtojnë projektin. 2. Si motivoheni ju si një anëtar grupi? a) Dua të më mendojnë si udhëheqës megjithëse ne të gjithë po punojmë si pjesë e një grupi. b) Dua të kontribuoj sa më shumë të mundem në fushat në të cilat kam aftësi. c) Unë përpiqem t’i shmangem diskutimit në grup, është një përpjekje shumë e madhe. 3. A keni aftësi të mira dëgjimi? a) Unë dëgjoj por nuk marr në konsideratë mendimin e të tjerëve pasi mendimi im është gjithmonë më i saktë. b) Unë përpiqem të dëgjoj me kujdes mendimin e çdo individi. c) Unë zakonisht distancohem nga diskutimi i grupeve kështu që nuk ia kam idenë se çfarë kanë thënë të tjerët. 4. A i pranoni kritikat e të tjerëve? a) Unë nuk pres që të tjerët të më pyesin për mënyrat e mia por edhe nëse e bëjnë, mua s’më pëlqen kjo gjë. b) Më pëlqen të marr mendime nga të tjerët edhe nëse kjo nuk është gjithmonë pozitive. c) Ata nuk mund të më kritikojnë nëse nuk kam bërë diçka për të cilën të kritikohem. Pikët Më shumë A : ju jeni më shumë një lider se sa një anëtar grupi. E keni të vështirë të pranoni opinionet ose kritikat e të tjerëve dhe ju ndiheni si më superior se sa anëtarët e tjerë të grupit. Më shumë B: ju jeni një anëtar i mirë grupi. Ju kuptoni se çfarë e bën një grup të funksionojë dhe ju keni aftësitë e duhura dhe sjelljen e përshtatshme për tu sjellë në grup. Më shumë C: ju e urreni ambientin e punës në grup, jo sepse do t’ju pëlqente të ishit një lider, por sepse kjo përfshin një punë shtese. Juve do t’ju pëlqente më shumë të beni punën tuaj sesa të ndihmonit të tjerët me punët e tyre.