Postuar më: November 10, 2020
Të gjithë studentët idealizojnë jetën pas diplomimit. Por kur realiteti konkurrues i tregut të punës i godet, kjo i bën të kuptojnë se kjo është periudha më sfiduese e jetës së tyre.
Ju keni përfunduar me arsimin tuaj, por punëdhënësit nuk janë të interesuar për notat tuaja. Ata duan që ju të provoni veten dhe të jeni një punonjës i vlefshëm, të cilin nuk duan t'a zëvendësojnë kur të krijohet mundësia e parë.
Edhe kur kuptoni se si të gjeni punën tuaj të parë dhe vendosni veten në një pozicion të nivelit fillestar, sfidat nuk kanë mbaruar. Ju duhet të keni sukses në atë punë nëse synoni që të ecni në karrierë.
90 ditët e para janë vendimtare për punëdhënësin për të vlerësuar punonjësin e tyre të ri. Ata e shohin këtë periudhë si një zgjatje të procesit të intervistës. Ju jeni duke u vëzhguar vazhdimisht, por mos u tronditni nga ky fakt. Përpiquni të silleni mirë me të gjithë dhe të bëni punën tuaj në mënyrën më të mirë të mundshme.
Keni menduar se ditët tuaja të shkrimit të një ese-je i keni lënë pas?
Do t'ju duhet ende të mbështeteni në shkrimin akademik pasi punëdhënësi juaj do të kërkojë raporte, postime në blog, sugjerime me shkrim dhe email zyrtar. Nëse tregoni se dini të shkruani, kjo aftësi do të shihet si një kualifikim shtesë.
• Praktikoni të shkruarit! Zgjidhni tema që ju pëlqejnë dhe idetë do të rrjedhin pa ndonjë përpjekje.
• Filloni blogun tuaj! Zgjidhni një vend që lidhet me punën që keni. Është një mënyrë e shkëlqyeshme për të shfaqur ekspertizën tuaj dhe për të bërë që punëdhënësi juaj të shohë se ju keni më shumë vlerë si punonjës nga sa ai parashikonte.
• Merrni një kurs shkrimi online (nese e keni te nevojshme)! Ju do të shpalosni aftësitë tuaja dhe do të frymëzoheni t'i përdorni ato më shumë.
• Kurdoherë që punëdhënësi juaj pyet nëse dikush mund të ndihmojë me raporte, postime në Instagram, postime në blog ose ndonjë gjë tjetër, ju mund të dilni vullnetar.
Ju keni qenë gjithmonë i vetëdijshëm për rëndësinë e rrjeteve. Ju keni përdorur disa teknika për të marrë këtë punë. Por tani që e keni, pse duhet të shqetësoheni për më shumë rrjete (kontakte)?
Ky është vetëm një pozicion i nivelit fillestar, të cilin nuk keni ndërmend t'a mbani përgjithmonë. Disa punonjës ngecin në punët e tyre të para për vite me radhë dhe ata humbasin mundësi më të mira.
Puna juaj e re ofron mundësi të shkëlqyera për rrjetëzim. Shtoni të gjithë në LinkedIn dhe qëndroni në kontakt. Hyni në grupet e LinkedIn, bashkohuni në diskutime dhe qëndroni të përditësuar me pozicionet e reja në industrinë tuaj. Avancimi në karrierë fillon duke ndërtuar një rrjet të kontakteve të vlefshme.
Ju mund të jeni diplomuar, por procesi i të mësuarit nuk ndalet kurrë. Puna juaj e re, edhe pse është vetëm një pozicion i nivelit fillestar, do t'ju ballafaqojë me nevojën për të zgjeruar njohuritë tuaja në kategori të ndryshme. Ju mund të eksploroni tema të reja që nuk i keni trajtuar në universitet.
Përpiquni të mësoni sa më shumë që të jetë e mundur; aftësitë e reja do t'ju ndihmojnë të merrni një promovim. Disa platforma online (Coursera, edX ) ju japin mundësinë e përdorimit të materialit falas për mësim. Pse të mos përfitonit nga mundësi të tilla.
Shfrytëzoni të gjitha mundësitë për t'u bashkuar me projekte që mund t'i përfshini në CV. Angazhohuni në kurse online, gjithashtu. Nëse merrni certifikata, do të keni më shumë dokumenta të reja për aplikimin tuaj të punës. Në këtë mënyrë do të zëvendësoni mungesen e përvojës se punes dhe do te mund të filloni të aplikoni për pozicione të reja më shpejt nga sa parashikonit.
E rëndësishme është të keni një vizion për të ardhmen tuaj. Puna juaj e nivelit fillestar nuk është një pozicion afatgjatë; është thjesht një pikënisje që ju çon në një karrierë më produktive.
Ja disa mundesi angazhimi si puna juaj e pare:
Per keshilla ne lidhje me CV apo Intervistimin mund t'ju ndihmojne keta artikuj:
Ju urojme suksese ne karrieren tuaj!
Shqip
