Nënat që punojnë shpesh hasin vështirësi në karrierën e tyre pasi janë në luftë të vazhdueshme për balancimin e karrierës dhe jetës në shtëpi. Është e rëndësishme që ju të jeni të qarta për drejtimin që doni t’i jepni karrierës suaj dhe për rritjen e dëshiruar. Është gjithashtu shumë e rëndësishme që ju të rriteni si një profesioniste, pasi kjo ju jep shumë siguri dhe një nivel të madh vetëbesimi. Këto janë disa këshilla sesi nënat në punë mund të rriten profesionalisht 1.Ndërtoni një listë me objektivat tuaja për karrierën Si një profesioniste, ju duhet të merrni kohën e duhur për të planifikuar se si do të shkojë më tutje karriera juaj. Nënat që punojnë duhet të dinë të projektojnë veten pas 5 vitesh, dhe të përpiqen ta arrijnë atë. 2.Eksploroni mundësitë që ofrohen nga industria Nënat që punojnë preferojnë të qëndrojnë në të njëjtën punë dhe të kenë progres në kompaninë e tyre aktuale. Kjo është për shkak se ato nuk janë të gatshme të kalojnë  në një mjedis pune të ri dhe të përballen me periudhën që nevojitet për t’u mësuar nga e para, kur ato tashmë e kanë jetën punë-shtëpi të balancuar. Rekomandohet që të mos lejoni që angazhimet e shtëpisë të interferojnë me karrierën tuaj; të punuarit në një ambjent të ri është frymëzues dhe motivues. Mos kini frikë për të ndërrmerrni rreziqe dhe të eksploroni mundësitë tuaja të karrierës. 3.Realizoni ëndrrën tuaj Pasi të keni planifikuar se ku do të donit të shkonit me karrierën tuaj,  vendosini vetes një afat për ta realizuar atë. Pa një afat kohor, nënat që punojnë do të jenë në disavantazh, pasi nuk do të nxitojnë të arrijnë objektivat e tyre. Merrni në dorë kontrollin e rritjes suaj profesionale, dhe përpiquni të realizoni planet tuaja hap pas hapi. Vendosni objektiva—Arrijni. Kush tha që nuk mund ti keni të gjitha?