Kur bëni një internship ju mund të prisni projekte të mëdha përpara jush. Por kur arrini në zyrë e shikoni veten në “hapësirën tuaj të punës” e cila është vërtet e mbyllur. Mundoheni ta kaloni këtë duke menduar se kjo është e përkohshme. Por nëse e keni gabim? Këtu janë pesë shenja që tregojnë se koha e  internshipit tuaj po shkon dëm. 1.      Asnjë plan për ju Ju shkoni në zyrë dhe shikoni se atje nuk ka asnjë plan për ju. Ky mund të jetë një test i aftësisë tuaj për të marrë inisiativa, kërkoni për të parë përshkrimin tuaj të punës. 2.      Përjashtimi nga takimi i të Hënave Ju keni lexuar dhe mësuar rreth kompanisë dhe më në fund jeni në pozicion për takimin e të Hënave. Ky është vendi ku diskutohet rreth ideve dhe strategjive të reja të kompanisë. Vetëm ju nuk jeni i ftuar për të marrë pjesë. Në vend të kësaj ju kërkohet ti përgjigjeni telefonave dhe të mbushni kafet. 3.      Një punë e ngjashme me tuajën është postuar në internet Jeni duke bërë kërkime në internet dhe shihni një pozicion të ngjashëm pune me atë çka ju bëni. Vetëm ky pozicion nuk kërkon ndonjë kualifikim dhe ju kuptoni se jeni duke bërë një punë më të thjeshtë se shokët tuaj. Ju vazhdoni të mendoni se gjërat do të ndryshojnë por në të vërtetë kjo nuk do të ndodhë. 4.      Asnjë punë sfiduese Punët sfiduese duken sikur janë fshehur. Ju përpiqeni të merrni më shumë përgjegjësi por shefi juaj ju jep punë lidhur me mirëmbajtjen e zyrës. Ju mundoheni të siguroni veten se kjo është disi rruga për të shkuar drejt suksesit. 5.      Asnjë takim me CEO-n e kompanisë Dita e fundit e internshipit tuaj është e premte dhe ende jeni në pritje për të patur një takim të shkurtër me shefin e kompanisë. Asnjë nga personat e menaxhimit të lartë nuk është takuar me ju, sigurisht keni takuar vetëm asistentet e tyre. Gjithçka e thënë më sipër mund të jetë zhgënjyese por ju keni mësuar diçka të vlefshme. Ky material ju ka mësuar saktësisht se çfarë nuk është një internship.