Nëse nuk keni marrë një telefon siç ju është premtuar  mos u çudisni sepse kjo ndodh më shumë nga çe mendoni. Kandidatët janë të sigurtë se i përshtaten pozicionit dhe presin një ofertë. Më pas nuk dëgjojnë asgjë. Kjo nuk është vetëm dështuese për kandidatin por reflekton dhe pazotësi për kompaninë. Nëse pas një interviste të Hënën ju është thënë se vendimi do të merret në fundjavë, të Premten ju filloni të keni dyshime. Kjo do të thotë që ju nuk e keni marrë ofertën? Duhet të telefononi për ta zbuluar? Apo duhet të prisni deri pas fundjavës? Fakti është që ju nuk e keni idenë pse nuk ju kanë telefonuar, por duhet të prisni dhe disa ditë të tjera përpara se të kontaktoni. Ata mund të kenë patur një krizë në kompani ose një arsye tjetër të rëndësishme që nuk ju kanë telefonuar siç kanë premtuar. Sigurisht do ishte diçka e sjellshme nga ana e tyre të telefononin dhe t`ju thonin se vendimi po vonohet por kompanitë nuk janë gjithmonë të shqtësuara për gjërat më të sjellshme që duhet të bëjnë. Nëse nuk merrni një përgjigje siç ju është premtuar, telefonoini ata dhe lërini një mesazh. Mundohuni të shpjegoni se ju duhet të dini informacionin përpara se të konsideroni pozicione të tjera sepse kjo kompani ishte zgjedhja juaj e parë. Nëse nuk merrni një përgjigje atëherë harrojeni këtë kompani. Shumica e punëdhënësve janë të vetëdijshëm se kandidatët janë të shqetësuar në lidhje me statusin e pranimit të tyre, dhe i telefonojnë ata në një ditë të caktuar. Por, ka punëdhënës që i lënë kandidatët duke pritur dhe duke imagjinuar se çfarë do të ndodhë, edhe pse thonë se do të telefonojnë në një datë të caktuar. Ndërkohë, në vend që të rrini dhe të prisni për një telefonatë që nuk do të vijë kurrë vazhdoni të kërkoni punë.