Vlerat janë tiparet apo cilësitë e konsideruara të vlefshme. Ato përfaqësojnë prioritetet dhe forcat tuaja udhëheqëse. Kur ju jeni pjesë e ndonjë organizate,  ju bëheni pjesë e saj së bashku me vlerat tuaja. Së bashku këto vlera krijohen dhe shoqërohen me ato të anëtarëve të tjerë për të krijuar atë që quhet kultura e organizatës.

Vlerat përcaktojnë mënyrën e të sjellurit me njëri tjetrin në një organizatë, institucion, kompani ose familje. Ato janë deklarata në lidhje me atë se si organizata u ofron konsumatorëve vlerë, si dhe komunitetit të brendshëm. Në vijim janë disa shembuj të vlerave: ambicje, kompetencë, individualitet, barazi, shërbim, përgjegjësi, kredibilitet, ndershmëri, inovacion, punë në grup, disiplinë, siguri, bashkëpunim, influencë, aftësia për të mësuar, kurajo, optimizëm, fleksibilitet etj.  Vlerat tuaja janë të formuara nga ndikimi i cdo gjëje që ka ndodhur në jetën tuaj dhe përfshijnë ndikimet nga: familja, besimi fetar, miqtë dhe kolegët tuaj, edukimi, kultivimi etj. Njerëzit efektiv janë të ndërgjegjësuar mbi ndikimin e këtyre faktorëve dhe influencën e mjedisit, si rrjedhojë identifikojnë dhe zhvillojnë një përmbledhje të vecantë të këtyre vlerave dhe u japin një kuptim të plotë . Vlerat ndikojnë në çdo aspekt të jetës sonë, e si pasojë ato duhet të jenë të mirëpërcaktuara.

Krijoni një model të vlerave tuaja në veprim me sjelljen tuaj personale dhe atë të punës, marrjen e vendimeve, kontributin dhe ndërveprimin personal.

Përdorni vlerat tuaja për të marrë vendime në lidhje me prioritetet në punën tuaj të përditshme dhe të jetës në shtëpi.

Vlerat ndikojnë në qëllimin e jetës suaj.

Zgjidhni vlerat që janë më të rëndësishme për ju, vlerat që besoni dhe që përcaktojnë karakterin tuaj. Jetoni me to në mënyrë të përditshme në punë dhe shtëpi. Të jetoni vlerat tuaja është një nga mjetet më të fuqishme në dispozicion për t’ju ndihmuar të jeni personi që dëshironi të jeni, për t’ju ndihmuar të përmbushni qëllimet tuaja dhe ëndërrat. Mos e humbisni rastin tuaj më të mirë!