Çdo ambient pune duhet të reflektojë profesionionalizëm, produktivitet dhe punë skuadre. Megjithatë, nganjëherë dalin disa probleme të cilat e vështirësojnë punën. Askush nuk është perfekt, dhe është normale që njerëzit të hasin probleme mes njëri tjetrit. Nëse konfiliktoheni me shefin tuaj, ose me nivele të tjera të menaxhimit, atëherë do t`ju duhen këto këshilla për ti menaxhuar konfliktet tuaja. Kontrolloni emocionet tuaja Konfliktet nuk duhet të bazohen tek emocionet. Nëse konfliket janë me shefin tuaj, sigurohuni të përqëndroheni tek zgjidhja praktike e problemit, dhe jo të mbani qëndrim emocional. Ndaloni për një moment dhe vlerësoni situatën. Rikujtoni gjithë konfliktet që keni hasur kohët e fundit, dhe mënyrën sesi ato kanë ndikuar në punën tuaj, dhe në jetën tuaj personale. Mundohuni të jeni gjithmonë shumë profesional gjatë bisedës suaj, në vend që të insistoni të tregoni se si situata ju ka prekur emocionalisht. Vlerësoheni situatën nga të gjitha perspektivat Ju duhet të kuptoni se të gjithë mund të gabojnë, kështu që mos mendoni se nga ana juaj ju nuk keni asnjë faj. Cilat janë arsyet e vërteta mbas konfliktit? A jeni të gatshëm të pranoni se edhe ju keni gabuar diku gjatë rrugës? Kush tjetër është përfshirë? Në këtë pikë ju mund të diskutoni me shefin tuaj rreth situatës. Kini kujdes të mos i hidhni fajin atij apo dikujt tjetër. Dëgjoni me vëmendje përgjigjen e shefit tuaj dhe përpiquni ta vlerësoni situatën sipas këndvështrimit të tij. Mos flisni prapa krahëve Shmangni diskutimet mbi problemin me kolegët. Kjo mund të merrët si shenjë negative ndaj jush nga menaxhim, dhe nuk do të bëjë gjë tjetër veçse do të përkeqësojë situatën. Më mirë, përpiquni të heshtni në ambientin e punës, dhe ndërkaq mund të diskutoni problemin me familjen dhe miqtë.