Do ju pëlqente të kishit sukses në vendin tuaj të punës në bazë të meritave? Në disa punë ju mundeni, por në disa të tjera duhet të dini se si “të luani lojën”. Me fjalë të tjera, ju duhet të dini sesi të lundroni mbi politikat e punës. Kjo nuk do të thotë që ju duhet të lini mënjanë moralin, etikën tuaj dhe të luani pisët për të ngjitur shkallët e suksesit dhe arritjeve. Gjëja e parë që duhet të bëni është të kuptoni dinamikën e organizatës suaj, pra se si kompania menaxhon dhe promovon praktikat më të mira të biznesit dhe menaxhimin strategjik. Politika ekziston në çdo lloj organizate pavarësisht se mund të jetë më e dukshme në kompanitë e mesme dhe të mëdha. Nuk ka asgjë të keqe të krijoni një konkurrencë të vogël miqësore midis kolegeve. Njerëzit përpiqen të formojnë aleanca. Një shenjë e politikës është kur dikush jep një mendim për diçka që lidhet me punën dhe pastaj përpiqet ta bëjë atë mendim tuajin. Për shembull, “Ju e dini që Ani është një punonjës vërtet i mirë, por mendoj se Xhoi mund të bëhet një menaxher më i mirë. A nuk mendoni kështu?” Ju nuk keni nevojë të shfrytëzoni marrëdhëniet e punës për interesin tuaj për të ecur përpara. Ju duhet të angazhohemi me të tjerët, të përpiqeni të fitoni besimin e tyre dhe të ushtroni ndikim. Kjo është mënyra se si liderët e vërtetë rriten.