Të jesh nënë në punë është shumë stresuese. Përveç 40 orëve në zyrë, nga ju pritet gjithashtu të pastroni, të gatuani dhe të menaxhoni punët e shtëpisë. Në mënyrë që të balanconi punën dhe jetën familiare, duhet të programoni javën paraprakisht. Organizohuni Në mënyrë që të jeni të suksesshme, ju duhet të shpërndani ngarkesën e punës. Nëse punoni në një kompani të madhe, dhe keni një rol thelbësor, ju duhet të organizoni projektet dhe të vendosni deadlinet në mënyrë të tillë që të gjithë të jenë në dijeni për këtë. Menaxhimi i kohës Menaxhimi i kohës është shumë i rëndësishëm për nënat që punojnë pasi ato duan të bëjnë çdo minutë në zyrë sa më produktive. Duke patur një ekip të motivuar dhe të organizuar, nënat që punojnë  duhet të sigurohen se nuk do të punojnë pas orës 17:00. Menaxhimi i kohës ju siguron gjithashtu që do mbaroni çështjet e punës brenda zyrës, pa pasur nevojë për ti marrë ato me vete në shtëpi. Balanca Një tjetër këshillë e rëndësishme për nënat që punojnë është  balancimi i punës me jetën e tyre në shtëpi. Duke i  mbajtur  larg nga njëri-tjetri, nënat do të janë në gjendje për të lënë stresin dhe kaosin e punës në zyrë dhe tu tregojnë fëmijëve anën e tyre të qetë dhe të lumtur. Rekomandohet që nënat në punë të mbajnë fundjavat e tyre të lira për tu lënë hapsirë aktiviteteve me fëmijët e tyre. Delegoni Të qënit një nënë në punë mund të jetë e vështirë, megjithatë nëpërmjet menaxhimit efektiv të kohës dhe delegimit, kjo mund të kthehet në një detyrë shumë të lehtë. Nëse punoni në një nivel ekzekutiv, delegimi i detyrave të vogla për stafin tuaj mund t`ju ndihmojë të bëheni më produktivë në planin afatgjatë. Planifikoni Për të arritur menaxhimin efektiv  të kohës, nënat që punojnë janë të këshilluara që të investojë në një axhendë. Kjo do t`ju ndihmojë në planifikimin e takimeve, datave të rëndësishme për fëmijët si dhe për afatet e projekteve. Kohë për veten Së fundi, një nënë që punon, ashtu si çdo kush tjetër, duhet të planifikojë pak kohë larg nga puna si dhe fëmijët. Mund të zgjidhni të shkoni për një shëtitje ose të merrni një klasë yoga. Nënat që punojnë kanë nevojë për tu çlodhur që të përfundojnë punën e tyre në mënyrë efektive.