Kur ju filluat shkollën në fillim askush nuk ju dorëzoi ndonjë libër me  rregulla se çfarë duhet të bënit dhe çfarë jo. Por duke respektuar mjedisin dhe duke parë shokët tuaj ju mësuat se nëse doni ti përgjigjeni një pyetje duhet të ngrini dorën në vend që të bërtisni me zë të lartë. Të njëjtat principe zbatohen dhe në zyrë ku ka kode të shkruara dhe të pashkruara të sjelljes, të cilat ekzistojnë për të siguruar harmoni midis kolegëve. Pra cilat janë gjërat që ju duhet të jeni të vetëdijshëm se egzistojnë edhe pse nuk janë ndokund të shkruara? Celularët- mos e lini celularin me volum të lartë, zilet e ndryshme mund të jenë shqetësuese për të tjerët. Kështu që vëreni celularin me dridhje. Shmangni telefonatat personale në tavolinën tuaj. Edhe nëse telefonata mund të mos jetë personale filsni diku tjetër për të mos shqetësuar kolegët. Mos e merrni celularin në takime me ju. Mos e pëdorni telefonin në tualet. Atje zëri juaj dëgjohet më shumë. Përdorimi i internetit- Politikat e përdorimit të internetit ndryshojnë nga njëra kompani te tjetra. Disa kompani i bllokojnë rrjetet sociale si Facebook-u që punonjësit mos të harxhojnë kohë kot. Rregulli i përgjithshëm është që duhet ta përdorni internetin në mënyrë të moderuar dhe në kohë të përshtatshme. Nuk ju kërkohet se çfarë bëni në kohën tuaj të drekës por nëse shefi juaj kalon pranë jush dhe çdo herë ai shikon faqen e sportit, ju nuk do të cilësoheni si një person që e do punën. Duhanpirësit- Kritikat më të mëdha janë ndaj duhanpirësve sepse ata marrin më shumë pushime se pjesa tjetër që nuk pi duhan. Do të ishtë mirë që mos të merrni shumë pushime sepse nëse e bëni do të dukeni si dembel, egoist dhe do të shqetësoni të tjerët. Muzika- Vendet e punës që mbështeten në mendimet kreative shpesh lejojnë  stafin të dëgjojnë muzikën e tyre. Por kjo mund të ketë të njëjtin efekt si zilet e telefonave te personat afër jush. Në qoftë se doni të mbani iPod-in tuaj atëherë asnjë e kënduar, fishkëllimë apo bateri imagjinare nuk është e lejuar.