Përshkrimi

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.

Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet.

Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Pozicioni: Mbikëqyrës Punimesh- Inxhinier Gjeodet

Vendndodhja: Palasë

Përmbledhja e Pozicionit: Mbikëqyrësi i punimeve është përgjegjës për kontrollin dhe mbikëqyrjen e zbatimit të projekteve të ndërtimit, duke siguruar që punimet të realizohen në përputhje me kontratën e bashkëinvestimit, projektin teknik, kushtet teknike të projektimit dhe zbatimit, si dhe destinacionin përfundimtar të objektit. Ky rol përfshin kontrollin e cilësisë së punimeve, ndjekjen e afateve sipas grafikut te punimeve. Kontrollon ne menyre periodike duke ju referuar kontratës se bashkeinvestimit.

Detyrat

• Verifikimi i sheshit të ndërtimit, duke u siguruar që është i lirë dhe i gatshëm për të nisur punimet;
• Njohja dhe analiza e kontratës së sipërmarrjes dhe të gjithë dokumenteve administrative që lidhen me të, duke përfshirë ndryshimet e mundshme me kalimin e kohës;
• Hartimi i aktit të dorëzimi të sheshit të ndërtimit për shoqërinë sipërmarrëse;
• Mbikëqyrja dhe kontrolli i përputhshmërisë së projektit me atë të miratuar në lejen e ndërtimit, per cdo faze akt kontrolli sipas legjislacionit në fuqi;
• Pjesëmarrja në kolaudimin e veprës, duke siguruar që objektet e ndërtuara të jenë në përputhje me standardet e cilësisë dhe kërkesat teknike;
• Kryerja e kontrolleve të herëpashershme në terren, sipas kërkesave të Drejtuesit të Njësisë, për të siguruar që puna të vazhdojë sipas planit dhe specifikimeve teknike;
• Raportimi periodik tek Drejtuesi i Njësisë së Mbikëqyrjes Teknike, duke ofruar informacion të detajuar mbi ecurinë e punimeve dhe problematikat e mundshme.

Kualifikimet

Edukimi: Të zotërojë diplomë universiteti ne Gjeodezi.

Kualifikime të tjera:

• Të ketë të paktën 15 vite eksperiencë në zbatimin e punimeve;
• Të ketë të paktën 5 vite eksperiencë në mbikëqyrjen e punimeve;
• Të zotërojë aftësi të shkëlqyera për të sugjeruar zgjidhje dhe për të marrë vendime;
• Të ketë aftësi kritike mbi detajet e projektimit, duke përfshirë aspektet funksionale dhe estetike;
• Të jetë i aftë të koordinojë punën në projektet përkatëse;
• Të ketë aftësi shumë të mira komunikuese dhe të jetë i orientuar drejt punës në grup;
• Të ketë aftësi të shkëlqyera menaxhuese, koordinuese dhe organizative;
• Të ketë njohuri shumë të mira të gjuhës angleze – njohja e gjuhëve të tjera përbën një avantazh;
• Të ketë njohuri të thelluara mbi legjislacionin në fushën e punimeve të ndërtimit;
• Të ketë njohuri dhe përdorim të avancuar të instrumenteve gjeodezike më të fundit
• Të ketë njohuri të shkëlqyera të programeve kompjuterike përkatëse, duke përfshirë Microsoft Office, AutoCAD dhe Microsoft Project – njohja e Revit përbën një avantazh
• Të ketë aftësi për të menaxhuar detyra dhe prioritete të shumta njëkohësisht, duke siguruar që afatet janë përmbushur dhe burimet janë shpërndarë në mënyrë efikase.

Shënime

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecruit.com/jobs/Careers/705972000002956171/Mbik%C3%ABqyr%C3%ABs-Punimesh---Inxhinier-Gjeodet?source=CareerSite

Afati i aplikimit: 12/03/2025

Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.