Përshkrimi

Albchrome sh.p.k është një kompani shqiptare e themeluar në vitin 2001 me objekt kryesor të veprimtarisë së saj nxjerrjen e kromiteve në minierën e kromit në Bulqizë dhe prodhimit të Ferro Kromit në Uzinën Elbasan dhe Burrel. Që prej fillimit të vitit 2022, Albchrome është pjesë e YILDIRIM Group, i cili është një konglomerat industrial i integruar, që operon në më shumë se nëntë sektorë të ndryshëm industrial dhe renditet në vendin e tretë në botë për kapacitetet në nxjerrjen dhe përpunimin e kromit dhe në vendin e dytë në botë për prodhimin e Ferro Kromit të cilësisë së lartë.

Albchrome në Tiranë ka shpallur vendin vakante për pozicioninin:Operatori i Dhomës së Monitorimit

Detyrat

Detyrat kryesore të pozicionit janë:

• Monitorim të drejtpërdrejtë të videos dhe sistemit të kamerave;
• Monitorimi i hapsirave të dedikuara të hyrje-daljes së materialeve nga njesite në respektim të procedurave të përcaktuara për Sigurinë;
• Të reagojë menjëherë ndaj alarmeve, sinjaleve dhe situatave emergjente duke ndërmarrë veprimet e duhura sipas procedurave të përcaktuara për Sigurinë;
• Të monitoroje veprimet apo incidentet e mundshme duke ruajtur videot, regjistrime dixhitale dhe duke bërë raporte verbal apo të shkruara;
• Regjistron saktë dhe me detaje incidentet dhe bën raportimin për çdo problematikë tek mbikëqyrësit dhe palët përkatëse të interesuara;
• Të kryej kontrolle rutinë të pajisjeve, të identifikojë dhe të parandalojë çdo problem të mundshëm si dhe të sigurojë që pajisjet të jenë në gjëndje të mirë pune;
• Të sigurojë respektimin e të gjitha rregulloreve në fuqi, standardet e sigurisë dhe politikat e kompanisë;
• Të angazhohet në trajnime dhe të ketë zhvillim të vazhdueshëm si dhe të përditësohet me teknologjitë e reja, procedurat dhe praktikat më të mira që lidhen me sallën e monitorimit.

Kualifikimet

Kërkesat që duhet të plotësojnë kandidatët:

• Diplomë e arsimit të mesëm të përgjithshëm apo Profesional;
• Të ketë minimumi 2 vite eksperiencë në pozicione te ngjashme.
• Aftësi në përdorimin e sistemeve të kontrollit, monitorimit dhe programeve kompjuterike që lidhen me operacionet e dhomës së monitorimit
• Aftësi shumë të mira organizuese dhe koordinuese;
• Aftësi të mira komunikimi dhe bashkëpunimi;
• Aftësi për të punuar me turne dhe për t'u përshtatur me një operimit 24/7 nëse kërkohet;

Shënime

Proçedura e aplikimit për këtë vënd pune:

Për të aplikuar, jeni të lutur të dërgoni një kërkesë dhe dokumentat që provojnë edukimin dhe eksperiencën me e-mail në adresën: [email protected]   si dhe pranë zyrave të mëposhtme:

Albchrome Shpk, Rr."Dervish Hima", Pallati Ambasador 3, Kati 1, Nr.3, Tiranë.

Attn: Human Resources Department.

Afati i fundit për dorëzimin e kërkesës është data 09/03/2025.

Sjellim në vëmendjen tuaj se, më dërgimin e aplikimit në adresat e mësipërme, ju i jepni Albchrome pëlqimin tuaj për të përdorur të dhënat personale të përfshira në aplikimin tuaj për qëllime rekrutimi, në përputhje me kërkesat e ligjit nr.9887, datë 10.03.2008 “Për Personat Mbrojtja e të Dhënave”.