Përshkrimi

Specialisti i Marketingut Digjital është përgjegjës për planifikimin, zhvillimin dhe zbatimin e strategjisë së komunikimit digjital të Qendrës Tregtare Toptani. Roli përfshin menaxhimin e rrjeteve sociale, krijimin dhe koordinimin e përmbajtjes digjitale, zhvillimin e fushatave online dhe analizimin e performancës së tyre, me synim rritjen e ndërveprimit me audiencën, forcimin e imazhit të markës dhe promovimin e ofertave, eventeve dhe aktiviteteve të qendrës tregtare si dhe rritjen e prezences digjitale.

Detyrat

Marketingu Digjital dhe Menaxhimi i Përmbajtjes

• Planifikon, zhvillon dhe menaxhon kalendarin mujor të përmbajtjes për kanalet zyrtare të komunikimit digjital të Toptanit.
• Krijon dhe përshtat përmbajtje kreative për formate të ndryshme, duke përfshirë postimet, Instagram Stories, Reels dhe video të shkurtra.
• Harton tekste promocionale dhe kreative (copywriting) për fushatat, ofertat e dyqaneve, eventet dhe komunikimet e tjera të qendrës tregtare.
• Koordinon realizimin e materialeve fotografike dhe video me agjencitë, fotografët, videografët dhe krijuesit e përmbajtjes.
• Siguron që komunikimi digjital të jetë në përputhje me identitetin vizual, tonin e komunikimit dhe standardet e markës Toptani.
• Menaxhon komunikimin me ndjekësit, komentet dhe mesazhet në rrjetet sociale, duke garantuar komunikim korrekt, të shpejtë dhe profesional.

Fushatat Digjitale dhe Reklamimi Online

• Zhvillon dhe zbaton fushata digjitale për promovimin e ofertave sezonale, uljeve, koleksioneve të reja, hapjeve të dyqaneve, eventeve dhe aktiviteteve të qendrës tregtare.
• Planifikon komunikimin digjital sipas objektivave, audiencës së synuar dhe fazave të çdo fushate.
• Menaxhon dhe optimizon fushatat me pagesë në platformat digjitale, si Meta Ads, duke monitoruar buxhetin dhe rezultatet.
• Bashkëpunon me ekipin e marketingut për të integruar komunikimin online me aktivitetet promocionale dhe eventet fizike të Toptanit.
• Identifikon mundësi të reja për rritjen e shikueshmërisë, ndërveprimit dhe vizitave në qendrën tregtare përmes kanaleve digjitale.
• Ndjek trendet, formatet e reja të përmbajtjes dhe praktikat më të mira në marketingun digjital.

Analiza e Performancës dhe Raportimi

• Monitoron performancën e përmbajtjes dhe fushatave, duke analizuar tregues si shtrirja (reach), shikimet, ndërveprimet, klikimet, rritja e ndjekësve dhe konvertimet, sipas objektivave të fushatës.
• Përgatit raporte periodike mbi rezultatet e komunikimit digjital dhe propozon masa konkrete për përmirësimin e performancës.
• Analizon sjelljen dhe interesat e audiencës për të përshtatur përmbajtjen dhe për të përmirësuar efektivitetin e komunikimit.
• Monitoron aktivitetin digjital të markave konkurruese dhe identifikon mundësi për diferencimin e komunikimit të Toptanit.
• Siguron përdorimin efikas të buxhetit të reklamimit online dhe vlerëson kthimin nga investimi (ROI), aty ku është i matshëm.

Bashkëpunimi me Qiramarrësit dhe Partnerët

• Koordinon mbledhjen e informacionit dhe materialeve promocionale nga dyqanet, restorantet dhe bizneset e tjera të qendrës tregtare.
• Bashkëpunon me qiramarrësit për promovimin e ofertave, produkteve, koleksioneve të reja dhe aktiviteteve të tyre në kanalet digjitale të Toptanit.
• Koordinon bashkëpunimet me influencer-at dhe krijuesit e përmbajtjes, duke përfshirë brief-in, planifikimin e publikimeve dhe vlerësimin e rezultateve.
• Bashkëpunon me agjencitë, partnerët dhe ekipet e brendshme për realizimin në kohë dhe sipas standardeve të materialeve digjitale.

Menaxhimi i Kanaleve të Tjera Digjitale

• Përditëson dhe monitoron përmbajtjen e faqes zyrtare të internetit të Toptanit, duke siguruar që informacioni mbi dyqanet, ofertat, eventet dhe shërbimet të jetë i saktë dhe aktual.
• Identifikon mundësi për përmirësimin e përvojës së përdoruesve në kanalet digjitale dhe propozon përmirësime të përmbajtjes dhe funksionaliteteve.
• Bashkëpunon për zhvillimin e formave të tjera të komunikimit digjital, sipas nevojave të marketingut dhe objektivave të qendrës tregtare.

Kualifikimet

• Diplomë universitare në Marketing, Komunikim, Marrëdhënie me Publikun, Marketing Digjital ose në një fushë të ngjashme.
• Të paktën 2–3 vite përvojë pune në marketingun digjital, menaxhimin e rrjeteve sociale ose krijimin e përmbajtjes.
• Njohuri të mira mbi platformat kryesore të rrjeteve sociale dhe mënyrën se si funksionojnë algoritmet, formatet dhe audiencat e tyre.
• Përvojë në planifikimin dhe menaxhimin e fushatave digjitale, përfshirë reklamimin me pagesë.
• Aftësi shumë të mira në shkrimin e teksteve kreative dhe promocionale, me vëmendje ndaj gjuhës, tonit dhe identitetit të markës.
• Njohuri në përdorimin e Meta Business Suite dhe Meta Ads Manager,SEO, njohuritë në Google Analytics dhe Google Ads përbëjnë avantazh.
• Aftësi për të analizuar të dhënat dhe për t'i kthyer rezultatet në rekomandime konkrete.
• Kreativitet, iniciativë dhe interes për trendet e reja në marketingun digjital.
• Njohuri shumë të mira të gjuhës shqipe dhe njohuri të mira të gjuhës angleze, me shkrim dhe me gojë.
• Aftësi të shkëlqyera organizative dhe menaxhim efektiv i kohës.
• Aftësi për të menaxhuar disa projekte njëkohësisht dhe për të respektuar afatet.
• Aftësi të mira komunikimi, bashkëpunimi dhe koordinimi me ekipe të ndryshme.
• Vëmendje ndaj detajeve dhe aftësi për të ruajtur standardet e komunikimit të markës.
• Aftësi për të punuar në mënyrë të pavarur, për të marrë iniciativa dhe për të propozuar zgjidhje kreative.
• Njohuri në programe për krijimin dhe përpunimin e përmbajtjes vizuale, si Canva ose Adobe Creative Suite, Cup Cut, përbëjnë avantazh.
• Aftësi të mira në përdorimin e Microsoft Office, veçanërisht Excel dhe PowerPoint.

Shënime

Te gjithe te interesuarit, jane te lutur qe te dergojne CV nepermjet adreses se e-mailit [email protected] ose te plotesojne formularin e aplikimit ne faqen zyrtare www.gener2.al ne seksionin “apliko online”.

Afati i fundit i aplikimit eshte data 30 Tetor 2026, ora 17:00.

Vetëm kandidatet e përzgjedhur do të kontaktohen.

Të gjithë aplikimet do të trajtohen me konfidencialitet sipas ligjit Nr. 9887 të vendosur nga Parlamenti i Shqipërisë mbi “Mbrojtjen e të dhënave personale”.