Përshkrimi

PROGEEN sh.p.k. është një kompani ndërtimi që operon në tregun Shqiptar që prej vitit 2013 në fushën e ndërtimit si Investitor dhe Kontraktor Kryesor. Vlerat kryesore të PROGEEN sh.p.k. janë profesionalizmi, besueshmëria dhe cilësia e lartë e ndërtimit duke përfshirë zgjidhje bashkëkohore në çdo projekt. PROGEEN Sh.p.k. çmon më së shumti kapitalin njerëzor të profesionistëve, të cilit i beson suksesin e çdo projekti. Kompania ndodhet me seli në Rr. “Shyqyri Berxolli”, Pallati. Intecosat, Shkalla A, Kati 1, Tiranë, Shqipëri.

Pozicioni: Inxhinier Nërtimi (zyre)

Vendndodhja: Tiranë

Përmbledhja e pozicionit: Puna në grup është në zemër të etikës dhe kulturës tonë organizative; prandaj ne jemi në kërkim të një kandidati që është fleksibël dhe i pëlqen të punojë si pjesë e një ekipi. Praktika kombinon një mjedis pune të hapur, miqësor me standarde të larta profesionale, përkushtim dhe ambicie.

Detyrat

Detyrat dhe Përgjegjësitë:

• Të hartojë dhe të përgatisë tabelat e volumeve të punimeve për objektet të planifikuara për ndërtim nga shoqëria;
• Të hartojë dhe përgatisë preventivat dhe situacionet për punimet shtesë, të klientëve, rimbursimet dhe rakordimet përfundimtare;
• Të ndërveprojë me stafin teknik në përgatitjen e preventivave të objekteve të planifikuara për t’u ndërtuar nga shoqëria;
• Të koordinojë me personelin përkatës porositjen e materialeve dhe nevojave për realizimin e proceseve në respektim të grafikut të punimeve të objekteve ose projekteve të ndërmarra për t’u ndërtuar;
• Të kontrollojë librezat e masave, situacionet mujore, analizat teknike të çmimeve të punimeve të shoqërisë nga stafi teknik dhe të nën-kontraktorëve të saj;
• Të ndërveprojë me stafin teknik në kontrollin dhe vlerësimin e volumeve të punimeve në preventivët e kontratave/tenderave me fonde publike/private ku synon të marrë pjesë shoqëria;
• Të ndërveprojë për realizimin e analizave të çmimeve. 

Kualifikimet

Kualifikimet dhe Kërkesat:

Edukimi: Diplomë e nivelit Master në Inxhinieri Ndërtimi;
Eksperienca: Eksperiencë mbi 2 vjet për ndërtime civile dhe industriale.

  Aftësi të tjera:

• Të njohë programet bazë në kompjuter, Microsoft Office, Microsoft Project, Autocad 2d&3d, etj;
• Të ketë aftësi të përshtatet me teknologjinë dhe kërkesat e reja që dikton tregu i ndërtimeve;
• Të ketë aftësi për të sugjeruar zgjidhje dhe për të marrë vendime;
• Të ketë aftësi të mira në ndjekjen dhe zbatimin e kontratave;
• Të jetë i azhornuar me çmimet e tregut për proçeset e ndryshme të punimeve për ndërtime civile dhe industrial;
• Të jetë i aftë të bashkëpunojë dhe ndërveprojë me anëtarët e tjerë të stafit të shoqërisë;
• Të ketë njohuri të gjuhës Angleze.

Shënime

Të interesuarit të dërgojnë CV-në në adresën [email protected], duke specifikuar në subjekt të email-it titullin e pozicionit, brenda datës 24.04.2025.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”