Përshkrimi i kompanisë

Shell, me seli në Hagë - Holandë, është kompania numër një në botë në eksplorimin, prodhimin, rafinimin dhe tregëtimin e naftës dhe gazit natyror, si dhe prodhimin dhe tregëtimin e kimikateve. Shell, ka filluar nga muaji maj i vitit 2018, operimin në gjithë territorin e Kosovës në më shumë se 60 pika të shitjes.

Objektivi

Shell beson se nafta dhe gazi do të mbeten pjesë thelbësore e kombinimit të energjisë së botës edhe për shumë dekada që do të vijnë. Roli i Shell është të sigurohen që të nxjerrim dhe t'i ofrojmë këto burime energjie me fitim dhe në mënyra të përgjegjshme sociale dhe mjedisore.

Synimi i Shell është të punojnë ngushtë me klientët dhe partnerët dhe me hartuesit e politikave për të çuar përpara përdorimin më efikas dhe më të qëndrueshëm të burimeve të energjisë dhe burimeve natyrore.

Njerëzit e Shell

Njerëzit e Shell punojnë së bashku në disa nga projektet më novatore dhe emocionuese për energjinë në botë. Një fuqi punëtore e shumëllojshme dhe një ambient pune gjithëpërfshirës janë elementë jetikë për suksesin të Shell, duke çuar në arritjen e inovacioneve më të mëdha dhe zgjidhjeve më të mira.

Trajnimi profesional, programet e zhvillimit dhe mbështetja e vazhdueshme do të thotë se njerëzve të Shell u jepet çdo mundësi për të arritur potencialin e tyre. Madje edhe programet e lidershipit u japin mundësi individëve të talentuar të bëhen drejtuesit e së nesërmes në industrinë e energjisë.