Përshkrimi i kompanisë

Qendra e Teknologjisë Tiranë (TCT) është një qendër e specializuar për trajnime profesionale në fushën e teknologjisë së informacionit (IT). TCT klasifikohet si nje institucion i mësimdhënies se njohurive praktike, ndryshe nga nje institucion i arsimit të lartë që jep njohuri deklarative (teorike). TCT nga ana e vështirësisë së arsimimit paralelizohet me shkollat profesionale post-sekondare dhe shkollat e larta. Të mësuarit në Qendër (TCT) bazohet në analizë dhe zgjidhje problemesh duke aplikuar metodën “Hands-on” (Praktikë). Studentët aftësohen në programim si edhe administrim te serverave dhe rrjetit. Të gjithë ekspertët e TCT të cilët u përcjellin ekspertizën e tyre studentëve të Qendrës, punojnë ose kanë punuar në fushat e tyre respektive në kompani private dhe publike. Ekspertët kryesorë, gjithashtu themeluesit e TCT, të cilët kanë studiuar dhe punuar në SH.B.A. dhe Mbreterine e Bashkuar në programime, rrjete kompjuterike dhe administrim serverash, sjellin një frymë perëndimore në mësimdhënie dhe marrëdhënie profesionale mësues-student brenda ambjenteve te klasës.