Përshkrimi i kompanisë

CSSP – Berlin Center for Integrative Mediation (CSSP) është një organizatë jofitimprurëse e themeluar në vitin 2005 si një projekt “Mësime të Nxjera” nga puna e Christian Schëarz-Schilling si Ndërmjetës Ndërkombëtar në Bosnjë dhe Hercegovinë (1995 – 2004). CSSP, me seli në Berlin, Gjermani, filloi qasjet e saj në Ballkanin Perëndimor dhe ka zgjeruar shtrirjen e saj të ndërmjetësimit në rajone të tjera. Me kërkesë të Ministrisë së Drejtësisë, me mbështetjen financiare të Ministrisë së Punëve të Jashtme Norvegjeze fillimisht dhe më pas të Fondacionit Konrad Adenauer, CSSP u ftua në vitin 2019 për të zbatuar një projekt në partneritet me Dhomën Kombëtare të Ndërmjetësve (DHKN) dhe Fondacionin Shqiptar për Zgjidhjen e Konflikteve dhe Pajtimin e Mosmarrëveshjeve (FZKPM), duke mbështetur sistemin e ndërmjetësimit.

CSSP ka zbatuar me sukses projektin tre-vjeçar "EmPoMe - Zgjerimi dhe Fuqizimi i Sistemit të Ndërmjetësimit në Shqipëri" (2022–2025), të financuar nga Agjencia Austriake e Zhvillimit (ADA), në partneritet me DHKN dhe FZKPM dhe mbështetjen e veçantë të Ministrisë së Drejtësisë.

Duke u bazuar në këtë përvojë, CSSP po lançon fazën e dytë të iniciativës EmPoMe në nivel rajonal në kuadër të projektit "Ndërmjetësimi SEE - Sistemet e Ndërmjetësimit të Evropës Juglindore të Forcuara". Projekti do të zbatohet në Shqipëri, Kosovë dhe Maqedoninë e Veriut, i financuar nga Agjencia Austriake për Zhvillim (ADA).