Përshkrimi i kompanisë

Rreth Nesh! Kompania “ATI” sh.p.k. është themeluar më 31 tetor 2015 me zyrë qendrore në Sarandë. ATI është një brand i krijuar në fushën imobiliare dhe atë të turizmit. Projekti i kompanisë është i gjatë dhe i ndarë në faza të ndryshme, ku funksionon në dy fusha kryesore: imobiliare dhe atë të turizmit, të cilat merren me menaxhimin dhe administrimin e fushave përkatëse. Synimi i kompanisë është zgjerimi i rrjetit të përfaqësisë së brandit ATI. Ndërsa synimi kryesor i brandit është që brenda fazës së pare 3-vjeçare të fillojë dhënien e brandit personave të tretë në formën e franchaizit. Qëllimi i kompanisë është që gjithmonë të mundohet në mënyrë profesionale t’u shërbejë klientëve, duke marrrë parasysh se çdo agjent (përfaqësues) i kompanisë do të jetë i mirë trajnuar nga stafi i kompanisë që ka themelur brandin, si dhe të informojë dhe trajnojë në mënyrën më të mirë të mundshme që puna që paraqesin të jetë efektive si për klientin, ashtu dhe për vetë agjentin. Shërbimet që mban në vetvete ky brand janë: 1. Në fushën imobiliare - ndërmjetësimi i shitjes,blerjes dhe dhënia me qera e pronës, si dhe marrja nën menaxhim dhe administrim të pronës investive në prona dhe më pas shitja e tyre. 2. Në fushën e turizmit - menaxhimin e pronave të hotelerisë, marrja me qera e pronave në hoteleri dhe organizimin e grupeve të ndryshme në pika turistike. Viti 2015-2016 ka qenë viti i parë i kompanisë, ku edhe pse ka hasur në vështirësi të shumta në shtrirjen e gjerë, ka arritur me sukses të hapë edhe dy zyra të tjera, një në Tiranë dhe një në Kosovë, si dhe përfaqësinë e saj në Paris (Francë). Kompania gjithashtu ka marrë me qera 10-vjeçare 2 hotele në Sarandë, 3 vila në Ksamil dhe 25 apartamente për menaxhim për dhëienn me qera në sezonin e verës.