Përshkrimi i kompanisë

Albinspekt është kompania e parë shqiptare e listuar nga Bashkimi Europian në Listën e Trupave inspektuese dhe çertifikuese të njohura nga BE. Albinspekt është themeluar në Nëntor të vitit 2006 dhe është regjistruar në Gjykatën e Tiranës me status ligjor OJF (me aktivitet ekonomik) – i regjistruar si QENDËR Çertifikimi. Interesi kryesor i themeluesve të tij, është zhvillimi i prodhimeve bujqësore të certifikuara dhe i infrastrukturës së çertifikimit në Shqipëri. Njohjet dhe arritjet e deritanishme I akredituar sipas Normës Evropiane EN 45011/ ISO Guide 65 nga një prej institucioneve më prestigjioze në botë DGA, Gjermani (Drejtoria Gjermane e Akreditimit), për certifikimin sipas Rregullores së Bashkimit Evropian EEC 834/2007, dt 28 Qershor 2007, “Për prodhimin organik dhe etiketimin e produkteve organike” deri ne muajin Janar 2014 dhe nga Janar 2014 e ne vazhdim eshte akredituar nga ESYD. Gjithashtu është i akredituar nga Drejtoria e Përgjithshme e Akreditimit, Shqipëri, për certifikimin sipas Ligjit Nr. 9199, dt. 26.2.2004 “Për Prodhimin, Përpunimin, Çertifikimin dhe Tregtimin e Produkteve “Bio” deri ne Dhjetor 2012; Është njohur nga Ministria e Bujqësisë, Ushqimit dhe Mbrojtjes së Konsumatorit, sipas ligjit Nr 9199, dt. 26.2.2004 dhe VKM 639, dt 14.05.2008. Është listuar në Komisionin Shtetëror të Prodhimit Organik për ushtrimin e aktivitetit të inspektim/çertifikimit. Albinspekt është listuar në Listën e Bashkimit Evropian të trupave të Inspektim/Çertifikimit si dhe ne listen e Zyres Federale per Bujqesine Zvicer FOAG . Aktualisht është e vetmja trupë inspektim/çertifikimi shqiptare që është e akredituar për këtë shërbim.