Përshkrimi i kompanisë

Albi Shopping ka filluar punën në vitin 2006, dhe ka qenë e shtrirë në një sipërfaqe prej 12 000 m2. Albi Mall gjendet në periferi të kryeqytetit të Republikës së Kosovës në Prishtinë, në lagjen Veternik. Në atë kohë, funksionimi i tij ka qenë i shkëlqyeshëm, mirëpo në bazë të nevojës dhe kërkesave të shumta të konsumatorë, në vitin 2010 është zgjeruar edhe me 18 300m2, duke arritur në total hapësirën prej 30 300m2, dukë u bërë qendra më e madhe dhe më moderne në Kosovë, dhe një nga qendrat me ofertat më të gjera në rajon. Albi Mall është qendër tregtare qe plotëson të gjitha kërkesat dhe nevojat e konsumatorëve, duke ofruar mallra dhe produkt unikë njëkohësisht. Aty mund të gjeni hypermarketin modern, jashtëzakonisht shumë dyqane të tekstilit, restorante, fast-food, kafe bare, bowling, dyqane të kozmetikës, teknikë të bardhë, bizhuteri, barnatore, kënd i lojërave për fëmijë etj. Pra me një fjalë, Albi Mall ofron një gamë të gjerë të produkteve dhe shërbimeve, për të gjitha kategoritë e konsumatorëve të vet. Caku për të shfaqur brende të ndryshme, vazhdon ta mbajë Albi Mallin si vegzën kryesore të markave të ndryshme, mirëpo jo pak mundësia për tu relaksuar, ushqyer apo edhe shijuar ëmbëlsirat e kafetë në Albi Mall, i ka bërë konsumtarët të krijojnë një vend të dytë relaksimi përveç shtëpisë.