Përshkrimi

Pozicioni: Drejtues Kantieri
Departamenti: Departamenti i Ndërtimit
Raporton te: Menaxheri i Projektit
Dokumenti: JD/CD/Drejtues Kantieri
Data: 12/10/2026

PËRSHKRIM I PËRGJITHSHËM
Drejtuesi i kantierit ka për detyrë të organizojë dhe të drejtojë zbatimin e punimeve të ndërtimit, në përputhje me projektin, preventivin, specifikimet teknike, standardet dhe grafikun e miratuar, deri në dorëzimin e objektit.

QËLLIMI I POZICIONIT
Qëllimi i pozicionit është realizimi i projektit me cilësi, brenda afateve dhe buxhetit të përcaktuar, në përputhje me specifikimet teknike, standardet dhe kërkesat e Investitorit.

Detyrat

PËRGJEGJËSITË

3.1. Përgjegjësitë e Përgjithshme

• Planifikon mënyrën e realizimit të objektivave dhe ndjek në mënyrë të vazhdueshme përmbushjen e tyre.
• Realizon detyrat e ngarkuara në kohë dhe me cilësi të lartë, në përputhje me rregullat dhe procedurat e përcaktuara të kompanisë.
• Propozon përmirësime dhe udhëzon zbatimin e tyre me qëllim rritjen e efikasitetit në punë.
• Identifikon rreziqet kryesore që mund të ndikojnë në realizimin e objektivave të ngarkuara dhe ia raporton Menaxherit të Projektit.
• Raporton në vazhdimësi te Menaxheri i Projektit për rezultatet e detyrave të ngarkuara dhe problematikat e hasura.
• Propozon zgjidhje dhe këshillon drejtpërdrejt Menaxherin e Projektit gjatë fazave të zhvillimit të projektit.
• Zbaton me korrektësi rregullat e etikës dhe disiplinës në punë.
• Ruan konfidencialitetin e të gjitha materialeve të klasifikuara si konfidenciale.
• Kontribuon me njohuritë dhe përvojën profesionale në proceset vendimmarrëse të sektorit.
• Kryen detyra të tjera që i caktohen.

3.2. Përgjegjësitë Specifike

• Para fillimit të punimeve, në bashkëpunim me stafin vartës dhe sektorin inxhinierik, shqyrton vlefshmërinë e dokumentacionit tekniko-ligjor të objektit, projektet e zbatimit, preventivin dhe specifikimet teknike. Kur konstaton mangësi ose parregullsi, paraqet vërejtjet përkatëse.
• Zbaton planin e organizimit të punimeve, harton planet ditore, javore dhe mujore dhe ia paraqet Menaxherit të Projektit për diskutim ose miratim.
• Planifikon, analizon dhe zbaton metodologjinë e ndërtimit, si dhe i propozon Menaxherit të Projektit alternativat më të përshtatshme për respektimin e grafikut të punimeve.
• Mban përgjegjësi për zbatimin e punimeve në përputhje me projektet e zbatimit, preventivin, specifikimet teknike dhe standardet.
• Merr pjesë në matjet e volumeve të punimeve dhe harton procesverbalet përkatëse.
• Ndjek zbatimin e grafikut të punimeve në përputhje me afatet e përcaktuara në kontratat e sipërmarrjes.
• Organizon dhe ndan punën sipas nënkontraktorëve, grupeve të punës ose individëve që punojnë në objekt.
• Jep sqarime dhe udhëzime të vazhdueshme për organizimin e punës, zbatimin e projektit dhe respektimin e kushteve teknike, sipas metodologjisë së miratuar.
• Ndjek zbatimin e kontratave për punimet që kryhen nga nënkontraktorët në objekt.
• Kontrollon vazhdimisht librezën e masave për punimet e kryera nga nënkontraktorët, grupet e punës ose individët në objekt.
• Kontrollon periodikisht listëpagesat për punët e kryera nga nënkontraktorët, grupet e punës ose individët në objekt.
• Plotëson dhe kontrollon vazhdimisht dokumentacionin tekniko-ligjor gjatë fazave të ndërtimit, deri në përfundimin e objektit.
• I paraqet Menaxherit të Projektit kërkesat për porositjen e materialeve, pajisjeve dhe makinerive të nevojshme për realizimin e projektit.
• I përcjell Menaxherit të Projektit kërkesat për ndryshime në projektet e zbatimit dhe preventivin e objektit.
• Në bashkëpunim me koordinatorin e cilësisë, siguron që materialet e sjella në objekt të shoqërohen me certifikata të origjinës dhe cilësisë, në përputhje me specifikimet teknike.
• Në bashkëpunim me koordinatorin e cilësisë, ndjek kryerjen e analizave laboratorike dhe të provave të materialeve në kantier.
• Asiston gjatë vizitave që Supervizori kryen në kantier dhe mban shënim komentet dhe udhëzimet e tij.
• Bashkëpunon me përgjegjësin e sektorit inxhinierik për zgjidhjen e problemeve teknike dhe i diskuton ato me Menaxherin e Projektit.
• Bashkëpunon me përgjegjësit e sektorëve të inxhinierisë, logjistikës, QA/QC dhe HSE për zgjidhjen e problematikave dhe mbarëvajtjen e punimeve në objekt.

Kualifikimet

KUALIFIKIMET DHE EKSPERIENCA

• Diplomë në fushën e Inxhinierisë së Ndërtimit; specializimet në drejtimin e kantierit përbëjnë avantazh.
• Të paktën 10 vite përvojë në ndërtim, përfshirë 3 vite në drejtimin e kantierit ose në një pozicion të ngjashëm drejtues.
• Përvojë në projekte të mëdha shumëkatëshe rezidenciale, turistike ose me përdorim të përzier; përvoja në projekte me disa ndërtesa përbën avantazh.
• Njohuri për planifikimin e punimeve, zbatimin e projekteve, specifikimet, kontrollin e cilësisë, HSE-në dhe logjistikën e kantierit.

AFTËSITË KRYESORE

• Aftësi drejtuese, koordinuese dhe komunikuese me disiplina dhe fronte të ndryshme pune.
• Aftësi për planifikimin ditor e javor dhe interpretimin e programeve të punimeve; njohja e MS Project përbën avantazh.
• Njohuri të mira të Microsoft Office, CAD-it dhe mjeteve të tjera ndihmëse.
• Aftësi për zgjidhjen praktike të problemeve, mbajtjen e regjistrave dhe përcjelljen në kohë të çështjeve për zgjidhje.
• Njohuri shumë të mira të gjuhës angleze.
• Fleksibilitet në lidhje me orarin e punës.

Shënime

Te interesuarit te dergojne Cv ne : [email protected]