Pyetje dhe përgjigje

Të dhënat e profilit dhe CV-ja juaj nuk janë të aksesueshme nga kompanitë pa aplikuar ju vetë për një vend pune.

Kur aplikoni për një pozicion përmes duapune.com, të dhënat që keni vendosur në dispozicion për aplikimin dhe CV-ja që keni zgjedhur bëhen të aksesueshme për kompaninë përkatëse, me qëllim shqyrtimin e kandidaturës suaj.

Pra, kompanitë nuk kanë akses të përgjithshëm në CV-të e punëkërkuesve në duapune.com.

Jo. CV-ja dhe të dhënat e profilit tuaj nuk shfaqen publikisht në duapune.com.

Punëdhënësit nuk kanë akses të lirë në CV-të dhe profilet e punëkërkuesve. Kur aplikoni për një vend pune, kompania përkatëse merr akses në të dhënat që i dërgohen si pjesë e aplikimit tuaj, për qëllime të procesit të punësimit.

Kur krijoni dhe përdorni një llogari si punëkërkues, duapune.com mund të përpunojë të dhënat që jepni ose krijohen gjatë përdorimit të platformës, si:

• Të dhënat e kontaktit, si emri, email-i dhe numri i telefonit.
• Të dhënat e profilit, si datëlindja, vendndodhja, shtetësia dhe përshkrimi personal.
• Të dhënat profesionale, si eksperienca e punës, edukimi, aftësitë, gjuhët dhe preferencat për punë.
• CV-ja, fotografia e profilit dhe dokumentet që ngarkoni.
• Informacioni mbi aplikimet dhe historiku i tyre.
• Të dhëna teknike, që lidhen me mënyrën se si përdorni platformën.

Këto të dhëna përpunohen për funksionimin e shërbimeve të duapune.com dhe për t’ju mundësuar përdorimin e platformës për qëllime punësimi.

duapune.com i përpunon të dhënat tuaja personale kryesisht për t’ju mundësuar përdorimin e platformës dhe shërbimeve që lidhen me kërkimin dhe aplikimin për punë.

Të dhënat mund të përdoren për funksionimin e llogarisë tuaj, menaxhimin e aplikimeve, sugjerimin e mundësive të punësimit dhe përmirësimin e shërbimeve të platformës. Ato mund të përpunohen gjithashtu për përmbushjen e detyrimeve ligjore dhe qëllime të tjera të parashikuara në Politikën e Privatësisë.

Kur përpunimi bazohet në pëlqimin tuaj, ju keni të drejtë ta tërhiqni atë sipas kushteve të përcaktuara në Politikën e Privatësisë.

duapune.com përdor masa teknike, fizike dhe organizative për të mbrojtur të dhënat tuaja personale nga aksesi i paautorizuar.

Aksesi në sistemet që përmbajnë të dhëna personale është i kufizuar vetëm për personelin e autorizuar, ndërsa komunikimi ndërmjet pajisjes suaj dhe platformës mbrohet përmes teknologjive të enkriptimit dhe sigurisë.

Për të mbrojtur edhe ju llogarinë tuaj, rekomandohet që të mos ndani fjalëkalimin ose të dhënat e identifikimit me persona të tjerë.

Në përgjithësi, duapune.com i ruan të dhënat personale për 5 vjet pas përfundimit të marrëdhënies me ju.

Në raste të caktuara, të dhënat mund të ruhen për një periudhë më të gjatë kur kjo kërkohet nga detyrimet ligjore ose rregullatore. Pas përfundimit të periudhës së ruajtjes, të dhënat asgjësohen sipas procedurave të përcaktuara.

duapune.com mund t’i ndajë të dhënat personale me ofrues shërbimesh, partnerë ose palë të tjera vetëm kur kjo është e nevojshme për ofrimin e shërbimeve, përmbushjen e detyrimeve ligjore ose në raste të tjera të parashikuara në Politikën e Privatësisë.

Të dhënat tuaja nuk u shpërndahen palëve të treta me qëllim që ato t’ju dërgojnë njoftime promovuese për produktet ose shërbimet e tyre.

Në rastin e aplikimeve për punë, punëdhënësit marrin akses vetëm në të dhënat që ju bëni të disponueshme për qëllimin e aplikimit.

Cookies janë skedarë të vegjël që ndihmojnë në funksionimin normal dhe të sigurt të platformës dhe në përmirësimin e përvojës gjatë përdorimit të saj.

Ato mund të përdoren për të ruajtur sesionin kur jeni të identifikuar, preferencat tuaja, për të kuptuar mënyrën si përdoret platforma dhe për të përmirësuar funksionalitetin dhe sigurinë e saj.

Ju mund t’i menaxhoni ose kufizoni cookies përmes cilësimeve të shfletuesit tuaj. Megjithatë, çaktivizimi i disa prej tyre mund të ndikojë në funksionimin e disa veçorive të duapune.com

Disa njoftime pune mund t’ju drejtojnë në faqen e internetit ose platformën e aplikimit të kompanisë për të përfunduar aplikimin.

Pasi largoheni nga duapune.com dhe vendosni të dhënat tuaja në një faqe të jashtme, përpunimi i mëtejshëm i tyre bëhet nga kompania ose subjekti që administron atë faqe, sipas politikës së tij të privatësisë.

Përpara se të jepni të dhëna personale ose dokumente në një faqe të jashtme, rekomandohet të lexoni Politikën e Privatësisë dhe Kushtet e Përdorimit të asaj faqeje

Ju keni të drejtë të kërkoni akses në të dhënat tuaja personale, korrigjimin e të dhënave të pasakta, si dhe fshirjen e tyre në rastet kur kjo lejohet nga legjislacioni.

Në rrethana të caktuara, mund të kundërshtoni përpunimin e të dhënave ose të tërhiqni pëlqimin që keni dhënë më parë.

Disa nga të dhënat e profilit mund t’i përditësoni edhe vetë direkt nga llogaria juaj në duapune.com.

Për kërkesa të tjera që lidhen me të dhënat tuaja personale, mund të kontaktoni duapune.com sipas mënyrave të përcaktuara në Politikën e Privatësisë.

Të dhënat që mund të ndryshohen nga profili mund t’i përditësoni ose korrigjoni vetë nga llogaria juaj në duapune.com.

Për kërkesa të tjera që lidhen me korrigjimin ose fshirjen e të dhënave personale, mund të kontaktoni duapune.com në [email protected].

Pas marrjes së kërkesës, mund të bëhet verifikimi i identitetit tuaj dhe kërkesa trajtohet në përputhje me legjislacionin në fuqi. Politika e Privatësisë parashikon përgjigje ndaj kërkesës brenda 30 ditëve.

Në disa raste, të dhëna të caktuara mund të mos fshihen menjëherë nëse ruajtja e tyre kërkohet nga ligji ose është e nevojshme për përmbushjen e detyrimeve ligjore.

Kur përpunimi i të dhënave tuaja bazohet në pëlqimin tuaj, ju mund ta tërhiqni atë në çdo kohë.

Këtë mund ta bëni duke përdorur opsionin e çregjistrimit (unsubscribe) në komunikimet elektronike që merrni ose duke kontaktuar duapune.com në [email protected].

Tërheqja e pëlqimit zbatohet për përpunimin e ardhshëm dhe nuk ndikon në përpunimin e kryer përpara tërheqjes së tij. Gjithashtu, disa të dhëna mund të vazhdojnë të përpunohen kur ekziston një bazë tjetër ligjore për këtë.

Nëse keni pyetje, kërkesa ose shqetësime lidhur me të dhënat tuaja personale dhe privatësinë, mund të kontaktoni duapune.com në adresën [email protected] ose përmes formularit “Na kontaktoni” në platformë.

Mund të kontaktoni gjithashtu shërbimin ndaj klientit në numrin e telefonit të publikuar nga duapune.com.

Kërkesat që lidhen me ushtrimin e të drejtave mbi të dhënat personale trajtohen në përputhje me Politikën e Privatësisë dhe legjislacionin në fuqi

Për të mbrojtur llogarinë tuaj në duapune.com, mbajeni fjalëkalimin dhe të dhënat e identifikimit konfidenciale dhe mos ua jepni personave të tjerë.

Rekomandohet gjithashtu të përdorni një fjalëkalim të sigurt dhe të shmangni hyrjen në llogarinë tuaj nga pajisje që nuk i konsideroni të sigurta.

Nëse dyshoni se dikush tjetër ka pasur akses në llogarinë tuaj, ndryshoni fjalëkalimin dhe kontaktoni duapune.com nëse keni nevojë për ndihmë.