Përshkrimi

Union Bank prej 20 vitesh operon me sukses në tregun bankar shqiptar, e konsoliduar si një institucion i sigurt, i qëndrueshëm dhe me performancë të shkëlqyer. Përmes një rrjeti të gjerë prej 34 degësh dhe 76 ATM-sh të shpërndara në qytetet kryesore të vendit, banka u ofron mbi 150,000 klientëve një shërbim profesional dhe të besueshëm. Që nga fillimi i aktivitetit në vitin 2006, Union Bank ka njohur rritje të vazhdueshme, duke arritur sot mbi 100 miliardë lekë në total asete.

Ne promovojmë një kulturë pune të bazuar në diversitet, gjithë përfshirje dhe mundësi të barabarta zhvillimi, ku secili anëtar i ekipit vlerësohet si pjesë thelbësore e suksesit tonë. Union Bank investon vazhdimisht në trajnimin dhe zhvillimin profesional të punonjësve, me misionin për të garantuar një eksperiencë bankare të shkëlqyer për klientët.

Ne i vlerësojmë profesionistët e kualifikuar, besnikë dhe të përkushtuar si asetin tonë më të çmuar; prandaj, kërkojmë kandidatë të përshtatshëm për t’u bërë pjesë e skuadrës sonë në Departamentin ODA Vatër për Zgjidhje të Kërkesave të Klientëve në pozicionin:
Manaxher Produkti

Open Banking, Finance e Integruar dhe Partneritetet

Qëllimi i përgjithshëm i punës

Përgjegjës për koordinimin dhe drejtimin e të gjitha iniciativave që lidhen me open banking, financën e integruar dhe partneritetet. Manaxheri i Produktit duhet të navigojë me sukses ndërthurjen komplekse të bankingut, teknologjisë dhe partneriteteve duke siguruar përputhshmërinë rregullatore dhe rezultate pozitive për klientët. Manaxher produkti do të shërbejë si funksioni qendror i biznesit që lidh operacionet, IT, përputhshmërinë dhe palët e tjera të interesit për të ofruar zgjidhje financiare inovative

Detyrat

Përgjegjësitë kryesore

• Zbaton strategjinë e Open Banking, Financës së Integruar dhe partneriteteve në përputhje me objektivat e bankës.
• Identifikon mundësi të reja biznesi, kanale shpërndarjeje dhe modele bashkëpunimi me fintech, kompani teknologjike dhe partnerë të tjerë strategjikë.
• Menaxhon ciklin e plotë të zhvillimit të produktit, nga konceptimi deri në implementim dhe monitorim.
• Ndërton dhe mirëmban backlog-un e produktit, duke prioritarizuar iniciativat sipas vlerës së biznesit dhe nevojave të klientëve.
• Negocion dhe menaxhon marrëdhëniet me partnerët, përfshirë modelet komerciale dhe marrëveshjet e shërbimit.
• Monitoron tregun, trendet fintech dhe zhvillimet rregullatore për të identifikuar mundësi të reja inovacioni.
• Kordinon me funksionet perkatese per te siguruar përputhshmërinë e produkteve dhe proceseve me kërkesat ligjore, rregullatore dhe standardet e sigurisë së informacionit.
• Ndjek performancën e produkteve dhe partneriteteve përmes treguesve të biznesit dhe objektivave strategjikë.

Kualifikimet

Profili individual

• Arsim i larte ne ekonomi, finance, banke, administrim biznesi, marketing, menaxhim ose fusha te ngjashme.
• 5+ vite përvojë në sektorin financiar, bankar ose në industri të lidhura me teknologjinë financiare.
• Përvojë në zhvillimin e produkteve, menaxhimin e partneriteteve ose iniciativave të transformimit digjital.Përvojë në analizimin e modeleve të biznesit dhe hartimin e propozimeve të vlerës.
• Histori në negocimin e marrëveshjeve komplekse të biznesit, preferohen partneritetet tregtare.
• Kuptim i fortë i sistemeve bankare dhe integrimeve të teknologjisë financiare.
• Aftësi të shkëlqyera komunikimi dhe menaxhimi të palëve të interesit.
• Njohuri të rregulloreve përkatëse financiare përfshirë PSD2, GDPR dhe standardet e open banking, preferohet.
• Përvojë pune me ekipe multifunksionale.

Shënime

Mënyra e aplikimit

Kandidatët e interesuar duhet të paraqesin, brenda datës 30.09.2026:
- CV-në;
- letrën e shprehjes së interesit për pozicionin.

Dokumentet duhet të dërgohen në adresën e e-mailit: [email protected].

Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore dhe Kulturës Organizative.

Njoftim për mbrojtjen e të dhënave personale

Union Bank sh.a. deklaron se përpunon të dhënat personale të aplikantëve për qëllimet e administrimit të procesit të rekrutimit, mbështetur në Ligjin Nr. 124/2024 “Për mbrojtjen e të dhënave personale” dhe Udhëzimin Nr. 42 datë 22.07.2014 “Për përpunimin e të dhënave personale të kandidatëve për punë”. Të dhënat personale janë kryesisht të dhëna të kontaktit, të dhëna mbi arsimin, eksperiencën profesionale dhe çdo informacion tjetër të deklaruar nga vetë aplikanti në CV -të dhe dokumentacionin shoqërues.
Union Bank sh.a. zbaton masa teknike dhe organizative me qëllim që të garantojë ruajtjen e sigurisë së të dhënave personale që përpunon. Të dhënat ruhen vetëm për periudhën e nevojshme të përfundimit të procesit të rekrutimit dhe aksesohen vetëm nga personeli i autorizuar, i cili ka për detyrë të ruajë konfidencialitetin e të dhënave personale.
Individët që aplikojnë pranë Union Bank sh.a. informohen se të dhënat e tyre personale do të përpunohen nga Banka sipas përshkrimit të mësipërm.
Aplikantët kanë të drejtë të kërkojnë akses, korrigjim, fshirje, kufizim të përpunimit të të dhënave personale të tyre. Për të ushtruar këto të drejta ata mund të kontaktojnë në adresën e email: [email protected]