Përshkrimi

BOLV Group, është themeluar në vitin 1992 dhe është një nga grupet investuese më të rëndësishme dhe më të suksesshme ne Shqiperi. Aktivitetet e BOLV Group përfshijnë ndertimin, zhvillimin dhe menaxhimin e pasurive të patundshme, shitjet me shumicë dhe pakicë te karburanteve, hoteleri, prodhim te produkteve inovative në industrinë e ndërtimit dhe shërbime të specializuara në fushën e nxjerrjes së naftës dhe të gazit. BOLV Group po rritet në mënyrë të qëndrueshme dhe kontribuon në përmirësimin e jetesës së komuniteteve ne qytetet ku operon përmes zhvillimit ekonomik, punësimit dhe investimeve sociale.

Nëse doni të punoni në nje ambient pune që ofron mundesi për rritje profesionale dhe kushte pune në standarte të larta, atëherë BOLV Group është vendi i duhur për ju. BOLV Group ofron një mjedis pune profesional dhe dinamik, mundësi të barabarta punësimi, paketë kompensimi tërheqëse dhe mundësinë për të zhvilluar talentin tuaj.

Ne jemi duke zgjeruar ekipin tonë dhe po kerkojmë Drejtues Kantieri, KASHARI CENTER

Drejtuesi i Kantierit do te jete pergjegjes per manaxhimin efektiv të burimeve njerëzore, teknike dhe financiare, do te garantoje cilësinë dhe sigurinë e punimeve, si dhe përmbushjen e objektivave të projektit në kohë dhe brenda buxhetit. Drejton procesin e dokumentimit qe nga marrja e projekteve, fazat e oponences, aktet e kontrollit gjate zbatimit, dorezimit te punimeve, lejes se shfrytezimit dhe akt kolaudimit.

Detyrat

• Siguron zbatimin e legjislacionit për sigurinë dhe shëndetin në punë.
• Organizon dhe drejton punimet në kantier sipas planit të zbatimit.
• Harton planin e punimeve dhe monitoron progresin ditor, javor dhe mujor.
• Siguron respektimin e afateve kontraktuale.
• Koordinon aktivitetet ndërmjet ekipeve të punës dhe nënkontraktorëve.
• Merr masa për eliminimin e vonesave dhe pengesave gjatë zbatimit të projektit.
• Koordinon përdorimin optimal të fuqisë punëtore, makinerive dhe pajisjeve.
• Siguron disponueshmërinë e materialeve dhe mjeteve të nevojshme.
• Siguron që punimet të kryhen sipas projektit teknik dhe specifikimeve.
• Kontrollon cilësinë e punimeve në çdo fazë.
• Koordinon zgjidhjen e problemeve teknike gjatë zbatimit.
• Monitoron performancën e ekipeve te punes.
• Siguron disiplinën dhe respektimin e rregullave të Sigurimit Teknik te kantierit.
• Kontrollon respektimin e kontratave me nenkontraktoret, afatet, cilësinë e punimeve të tyre dhe verifikon dokumentacionin teknik dhe administrativ të nënkontraktorëve.
• Siguron respektimin e standardeve teknike dhe procedurave të cilësisë.
• Monitoron kostot e projektit, kontrollon përdorimin racional të materialeve dhe pajisjeve.
• Verifikon kërkesat për furnizime dhe shpenzime.
• Raporton mbi devijimet nga buxheti.
• Përgatit raporte ditore, javore dhe mujore mbi progresin e punimeve.
• Administron dokumentacionin teknik të projektit.
• Dokumenton ndryshimet gjatë zbatimit të projektit.
• Përgatit procesverbale dhe raporte për investitorin dhe mbikëqyrësin.
• Identifikon rreziqet teknike, operative dhe financiare, Harton masa parandaluese dhe korrigjuese dhe monitoron ndikimin e rreziqeve në realizimin e projektit.
• Siguron komunikim efektiv ndërmjet të gjitha palëve.

Kualifikimet

• Te zoteroje diplome universiteti ne Inxhineri Ndertimi.
• Te kete experience pune jo me pak se 10 vjet.
• Njohuri mbi legjislacionin shqiptar per ndertimin dhe sigurine dhe shendetin ne pune.
• Njohuri mbi standardet e cilësisë (ISO 9001), sigurisë në punë (ISO 45001) dhe menaxhimit mjedisor (ISO 14001).
• Aftësi në menaxhimin e kostove dhe planifikimin e projekteve.
• Aftesi shume te mira menaxhuese, organizative, planifikuese, projektuese dhe komunikuese
• Aftesi per te lexuar, analizuar dhe shpjeguar projektet, korrespondecat e biznesit, kontrata, procedurat dhe manualet teknike.
• Njohuri shume te mira te gjuhes angleze do te perbente avantazh.
• Aftësi për të përdorur programe si Microsoft Project, AutoCAD dhe paketën Microsoft Office

Shënime

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe dokumentet mbështetëse në format PDF në adresën:

[email protected] duke specifikuar në subjektin e emailit "Drejtues Kantieri",

ose ne website: www.BolvGroup.com
Aplikimet do të pranohen deri në datën: 30 Shtator 2026

Pas shqyrtimit te aplikimeve do të kontaktohen vetëm kandidatët e përzgjedhur.

Të gjitha aplikimet do të mbahen në arkivë për një periudhë një vjecare.
*Ju njoftojmë se duke paraqitur dokumentet e aplikimit tuaj në adresën e mësipërme, ju i jepni BOLV Group pëlqimin tuaj për të përdorur të dhënat personale të përfshira në aplikimin tuaj për qëllime rekrutimi, në përputhje me kërkesat e Ligjit Nr. 124/2024 "Për Mbrojtjen e të Dhënave Personale".