Përshkrimi

Menaxheri i Analizës, Raportimit dhe Kontrollit të Performancës është përgjegjës për organizimin e proceseve të mbledhjes, kontrollit, analizimit dhe raportimit të të dhënave të kompanisë.
Pozicioni drejton punën e Koordinatorëve të Shitjeve, monitoron performancën e ekipeve dhe proceseve, siguron saktësinë e raporteve dhe ofron analiza të strukturuara për mbështetjen e vendimmarrjes së Administratorit dhe drejtuesve të kompanisë. Departamenti funksionon në mënyrë të pavarur nga Departamenti i Shitjeve, duke siguruar raportim objektiv dhe kontroll të paanshëm të rezultateve.

Detyrat

• Organizon procesin e mbledhjes, kontrollit, pastrimit dhe analizimit të të dhënave nga sistemet e kompanisë, përfshirë Web Flex, DVG App, NAVISION, Finance 5, DE-Pos, GPS dhe Excel.
• Siguron që të dhënat e përdorura në raportim të jenë të sakta, të plota, të përditësuara dhe të përputhshme ndërmjet sistemeve dhe departamenteve.
• Mbikqyr përgatitjen e raporteve ditore, javore, mujore dhe periodike për shitjet, stokun, logjistikën, blerjet, burimet njerwzore.
• Analizon performancën sipas zonës, route-it, agjentit, klientit, produktit, markës, kanalit të shitjes dhe periudhës.
• Krahason rezultatet faktike me objektivat, buxhetet dhe periudhat e mëparshme, duke evidentuar devijimet, tendencat dhe zonat që kërkojnë përmirësim.
• Organizon, shpërndan dhe kontrollon detyrat e koordinatorëve në varësi, duke përcaktuar prioritetet, afatet dhe përgjegjësitë e secilit.
• Monitoron cilësinë dhe korrektësinë e raporteve të përgatitura nga koordinatorët dhe kërkon korrigjime kur evidentohen gabime ose mospërputhje.
• Kontrollon performancën e route-ve, agjentëve, zonave dhe kanaleve të shitjes nëpërmjet planeve, vizitave, porosive, faturave, arkëtimeve dhe të dhënave GPS.
• Ndjek porositë e paekzekutuara, klientët pa aktivitet, rëniet në shitje, problematikat operative dhe masat korrigjuese të përcaktuara.
• Krijon dhe mirëmban dashboard-e në Excel, Power BI ose platforma të tjera të miratuara për monitorimin e treguesve kryesorë të performancës.
• Automatizon raportet dhe proceset manuale duke bashkwpunuar ngushtw me menaxherin e Automatizim dhe Procese.
• Krijon kontrolle automatike për identifikimin e dublikatave, boshllëqeve, anomalive dhe diferencave ndërmjet sistemeve.
• Teston raportet, dashboard-et dhe automatizimet përpara përdorimit ose publikimit.
• Dokumenton burimet e të dhënave, formulat, metodologjinë, logjikën e raporteve dhe versionet e tyre.
• Bashkëpunon me drejtuesit e departamenteve për përcaktimin e KPI-ve, nevojave për raportim dhe interpretimin e rezultateve.
• Prezanton te drejtuesit rezultatet, devijimet, problematikat dhe rekomandimet për përmirësimin e performancës.
• Ndjek zbatimin e vendimeve dhe masave të miratuara në takimet e performancës dhe raporton statusin e tyre.
• Vlerëson performancën e koordinatorëve, identifikon nevojat për trajnim dhe propozon masa për përmirësimin e punës së ekipit.
• Siguron ruajtjen e konfidencialitetit, respektimin e niveleve të aksesit dhe përdorimin e kontrolluar të të dhënave.
• Raporton menjëherë gabimet kritike, anomalitë ose risqet që mund të ndikojnë në vendimmarrje, raportim ose rezultate financiare.
• Kryen detyra të tjera të lidhura me analizën, raportimin dhe kontrollin e performancës, të caktuara nga eprori.

Kualifikimet

• Arsim i lartë në Statistikë, Ekonomi, Financë, Informatikë Ekonomike, Matematikë, IT ose fusha të ngjashme.
• Minimumi 4–5 vite përvojë në analizë të dhënash, raportim ose kontroll performance.
• Preferohen të paktën 1–2 vite përvojë në drejtimin ose koordinimin e një ekipi.
• Njohuri të avancuara në Excel, Power Query, Pivot Tables dhe Power BI.
• Njohuri të mira të SQL; njohja e Python përbën avantazh.
• Njohuri mbi proceset e shitjes, stokut, logjistikës, financës dhe raportimit.
• Aftësi për ndërtimin dhe analizimin e KPI-ve.
• Aftësi të forta drejtuese, analitike dhe organizative.
• Aftësi për të prezantuar informacion kompleks në mënyrë të kuptueshme.
• Objektivitet, saktësi, integritet dhe ruajtje e konfidencialitetit.
• Aftësi për të punuar me disa sisteme, projekte dhe afate paralelisht.

Shënime

Nëse kërkoni të aplikoni dërgojni CV tuaj në adresën: [email protected] ose kontaktoni në numrin +355688030934

Vetëm aplikantët e përzgjedhur do të kontaktohen për intervistë.
A.M.G shpk- Algida® promovon shanset e barabarta!