Përshkrimi

Pozicioni: Punonjës për Sistemim Malli
Raporton tek: Menaxheri i Marketit / Përgjegjësi i Turnit

Qëllimi i pozicionit

Të sigurojë sistemimin, organizimin dhe paraqitjen e rregullt të produkteve në market, duke garantuar disponueshmërinë e tyre në rafte, etiketimin korrekt dhe shërbimin e duhur ndaj klientëve.

Detyrat

• Sistemon dhe organizon mallrat në raftet dhe sektorët e përcaktuar.
• Siguron që çdo produkt të jetë i pajisur me çmimin/etiketën përkatëse.
• Kontrollon afatet e skadencës dhe raporton produktet problematike tek Përgjegjësi ose Menaxheri.
• Kontrollon dhe evidenton produktet që nuk kanë etiketimin/përkthimin e nevojshëm në gjuhën shqipe dhe vepron sipas procedurave të kompanisë.
• Monitoron gjendjen e rafteve dhe kujdeset për furnizimin e vazhdueshëm të tyre me produkte.
• Kujdeset për sistemimin, paraqitjen dhe mirëmbajtjen e produkteve.
• Mban të pastër dhe të rregullt raftet dhe zonën e punës.
• Asiston klientët në gjetjen e produkteve dhe plotësimin e kërkesave të tyre.
• Evidenton kërkesat e paplotësuara të klientëve dhe ia raporton Menaxherit/Përgjegjësit.
• Njeh karakteristikat bazë të produkteve dhe informon/promovon produktet tek klientët kur kërkohet.
• Raporton mungesat, dëmtimet, skadencat ose problematika të tjera të konstatuara.
• Respekton procedurat, standardet e higjienës dhe rregulloren e brendshme të kompanisë.
• Kryen detyra të tjera që lidhen me pozicionin, sipas udhëzimeve të Menaxherit të Marketit.

Kualifikimet

• Arsim i mesëm.
• Përgjegjshmëri, korrektësi dhe organizim në punë.
• Aftësi komunikimi dhe orientim ndaj klientit.
• Vëmendje ndaj detajeve dhe aftësi për punë në grup.
• Gatishmëri për të punuar me turne.

Shënime

Benefitet dhe zhvillimi profesional

Kompania ofron një paketë benefitesh dhe mundësish zhvillimi për punonjësit, në përputhje me politikat e brendshme, e cila përfshin:

• Sigurim shëndetësor privat – pas përfundimit të 6 muajve punë dhe një vlerësimi pozitiv të performancës, punonjësi përfiton paketën e sigurimit shëndetësor privat të ofruar nga kompania.
• Trajnime periodike profesionale – punonjësit përfshihen në programe trajnimi dhe zhvillimi sipas pozicionit dhe nevojave profesionale.
• Big Academy – mundësi për të marrë pjesë në programe trajnimi të zhvilluara nga ekspertë të brendshëm dhe të jashtëm, në kuadër të Big Academy.
• Zhvillim dhe rritje në karrierë – mundësi për zhvillim profesional dhe promovim brenda kompanisë, bazuar në performancë, kompetenca dhe nevojat organizative.
• Vlerësim periodik i performancës – performanca dhe zhvillimi profesional monitorohen dhe vlerësohen periodikisht, me qëllim evidentimin e arritjeve dhe mundësive për përmirësim e zhvillim.

⃰Përfitimi dhe vijueshmëria e benefiteve realizohen sipas kritereve dhe politikave të brendshme në fuqi të kompanisë bazuara në performancë dhe merita.

Të interesuarit të aplikojnë në platformen Dua Pune ose të kontaktojnë duke dërguar CV e tyre direkt në nr e tel 0689032954.