Përshkrimi

Ne jemi ARLIS CONSTRUCTION part of ARMAAR GROUP, nje grup kompanish me ne fokus sektorin e ndertimit, por jo vetem, me nje shtrirje te gjere edhe ne sektorin e energjise se rinovueshme, menaxhimin, investimin, real estate., etj. Grupi, i cili i ka fillesat ne vitin 2008, perfshin disa kompani te mirenjohura si “Arlis Ndërtim”, Ideal Construction”, etj., me disa nga projektet me ambicioze si “Eyes of Tirana”, “Square 21” etj. Armaar Group është në rritje të vazhdueshme dhe synon përmirësimin e komunitetit në aspektin e zhvillimit ekonomik dhe social. Për këto arsye si dhe në kuadër të zgjerimit të vazhdueshëm të projekteve dhe stafit të kualifikuar, hapim pozicionin vakant për Inxhinier Elektrik.

Pozicioni: Inxhinier Elektrik

Departamenti: Teknik në zbatim

Vendodhja: Tiranë

Përmbledhja e pozicionit:

Inxhinieri Elektrik koordinon, projekton dhe zbaton të gjitha punimet elektrike, si para ndërtimit, ashtu edhe gjatë zbatimit të projektit në kantier. Mbikëqyr instalimin e të gjitha sistemeve elektrike të përfshira në projekt. Planifikon dhe menaxhon punën për të qëndruar brenda buxhetit dhe për të përfunduar një projekt me cilësi të lartë.

Detyrat

Detyrat dhe përgjegjësitë:

• Harton dhe kontrollon situacionet mujore;
• Ndjek ecurinë e punimeve elektrike në të gjitha fazat, që nga projekt-ideja, implementimi dhe kolaudimi i objekteve;
• Organizon dhe mbikëqyr punën e nënkontraktorëve elektrik për t’u siguruar se të gjitha punimet po kryhen sipas parametrave të parapërcaktuara në projekt;
• Rishikon dhe/ose harton koston e instalimeve elektrike duke përgatitur preventivin mujor ose total;
• Identifikon tregun e materialeve dhe të instalatorëve elektrikë vendas ose të huaj dhe koordinon me departamentin e prokurimeve për mënyrën e përzgjedhjes dhe kontraktorin e përshtatshëm;
• Koordinon punën midis grupeve të ndryshme instalatore dhe aprovon gjithmon materialet qe do te implementohen ne objekt;
• Përgatit dhe monitoron grafikun e zbatimit të punimeve elektrike, në përputhje me grafikun e përgjithshëm të objektit;
• Mbikëqyr dhe mirëmbanë në mënyrë periodike sistemin e instalimeve elektrike gjatë fazës të shfrytëzimit nga shoqëria të objektit;
• Merr pjesë në hartimin dhe zbatimin e rregullores së sigurimit teknik në lidhje me instalimet elektrike;
• Përgatit dosjen për leje në institucionet përkatëse, në kohën e duhur në bashkëpunim me departamentin teknik;
• Detyra të tjera që i ngarkohen nga supervizorët përkatës;

Kualifikimet

Edukumi dhe Kualifikimet

• Të zotërojë diplomë universitare në Inxhinieri Elektirike, Universiteti i Tiranës
• Ekseriecë pune, jo më pak se 7 (shtatë) vite
• E preferueshme eksperienca në sistemet Data dhe IT, sistemet e monitorimit CCTV, sistemet e zjarrit dhe kundra vjedhjes dhe HSSE, HVAC;
• Liçense projektimi;
• Aftësi të mira në skicime, në programim të saktë, instalime dhe testime të sistemeve elektrike;
• Aftësi shumë të mira komunikimi dhe aftësi ndërpersonale;
• Aftësi shumë të mira të të punuarit në grup dhe me deadline;
• Të ketë njohuri në proceset dhe materialet e ndërtimit, si dhe në menaxhimin e përgjithshëm të projektit
• Eksperiencë në CAD dhe MS, si dhe aftësia për të lexuar projektet dhe specifikimet teknike.

Shënime

Mënyra e aplikimit:

Të gjithë të interesuarit dhe që plotësojnë kërkesat e lartpërmendura luten të dergojne CV-në e tyre në adresën e email: [email protected] me subjekt: “Inxhinier Elektrik”.

SHËNIM: Vetëm kandidatët e përzgjedhur do të kontaktohen për intervistë pune dhe të gjithë të intervistuarit do të kenë një Feedback nga Departamenti i Burimeve Njerëzore.

“Armaar Group” ofron kushte shume te mira pune, ambjent motivues dhe mundesi rritje profesionale dhe personale.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.

Suksese!