Përshkrimi

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001. Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës.Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

Përmbledhja e Pozicionit: Inxhinieri Gjeodet Junior është pjesë e ekipit të matjeve gjeodezike në kryerjen e detyrave në terren dhe në zyrë, nën mbikëqyrjen e një gjeodeti të lartë. Roli është i përshtatshëm për dikë që dëshiron të zhvillojë ekspertizë praktike në matje topografike, përpunim të dhënash dhe përdorim të softuerëve gjeodezikë, duke fituar përvojë graduale drejt pavarësisë profesionale.

Detyrat

• Asiston në matje topografike dhe piketon nën udhëheqjen e gjeodetit të lartë;
• Operon pajisje bazë GNSS/RTK dhe stacione totale nën mbikëqyrje;
• Përpunon të dhëna fillestare në AutoCAD Civil 3D sipas udhëzimeve;
• Regjistron dhe organizon të dhënat e matjes, shënimet e terrenit dhe fotografitë;
• Ndihmon në përgatitjen e hartave, planeve dhe dokumentacionit teknik;
• Komunikon me ekipin për koordinimin e detyrave ditore në terren.

Kualifikimet

Edukimi: Diplomë (Bachelor) në Gjeodezi, Gjeomatikë.

Kërkesat e pozicionit:

• 0–2 vjet përvojë pune; përvoja praktike gjatë studimeve përbën avantazh;
• Njohuri bazë të GNSS/RTK, stacioneve totale;
• Njohje fillestare e AutoCAD Civil 3D;
• Kuptim bazë i sistemeve koordinative dhe standardeve gjeodezike kombëtare;
• Gatishmëri për punë në terren në kushte të ndryshme moti;
• Vëmendje ndaj detajeve dhe saktësi në regjistrimin e të dhënave;
• Aftësi të mira komunikimi dhe gatishmëri për të mësuar nga kolegë më me përvojë.

Shënime

Çfarë Ofrojmë:

• Një paketë atraktive përfitimesh, përfshirë një shpërblim të drejtë, të bazuar në meritë dhe në vlerësimin e performancës.
• Një mundësi e shkëlqyer për zhvillimin e aftësive dhe rritjen profesionale brenda BALFIN Construction dhe BALFIN Group.
• Ditë shtesë pushimi.
• Shpërblime për njohjen dhe vlerësimin e kontributit.

Mënyra e aplikimit: Të gjithë të interesuarit mund të aplikojnë duke dërguar CV-në brenda datës 7 shtator 2026.

Pas përfundimit të proçesit të përzgjedhjes, do të njoftohen vetëm kandidatët e kualifikuar.