Përshkrimi

Pozicioni: Specialist i marrdhënieve instutcionale dhe çështjeve rregullatore

Raporton: Drejtuesi i PR dhe Marrëdhënieve Institucionale

Vendndodhja: Zyrat Qendrore OBC

Përshkrimi i pozicionit

Specialisti i Marrëdhënieve Institucionale dhe Çështjeve Rregullatore është përgjegjës për administrimin, koordinimin dhe ndjekjen e procedurave të kompanisë pranë institucioneve publike dhe autoriteteve përkatëse.

Pozicioni siguron ndjekjen e plotë të procedurave, nga përgatitja dhe dorëzimi i dokumentacionit deri në marrjen e përgjigjes përfundimtare, si dhe bashkërendimin e nevojshëm me Departamentin Ligjor dhe strukturat e tjera të kompanisë.

Ky është një pozicion që kërkon disiplinë të lartë administrative, mendim analitik, sensitivitet juridik, aftësi të forta komunikimi dhe follow-through të jashtëzakonshëm.

Detyrat

• Përgatit, administron dhe ndjek aplikimet, kërkesat, lejet, autorizimet dhe procedurat e tjera pranë institucioneve.
• Mban regjistrin e plotë të procedurave institucionale dhe përditëson rregullisht statusin e tyre.
• Ndjek afatet dhe siguron që çdo procedurë të trajtohet në kohë dhe sipas kërkesave përkatëse.
• Komunikon me institucionet publike dhe ndjek çështjet deri në përfundimin e tyre.
• Identifikon dokumentacionin e munguar dhe koordinon plotësimin e tij me strukturat përkatëse.
• Bashkëpunon ngushtë me Zyrën Ligjore për çështjet që kërkojnë vlerësim ose asistencë juridike.
• Bashkërendon me departamentet e tjera mbledhjen dhe përgatitjen e dokumentacionit të nevojshëm.
• Evidenton problematikat, vonesat dhe rreziqet procedurale dhe i raporton ato në kohën e duhur.
• Përgatit raporte periodike mbi ecurinë e procedurave institucionale dhe çështjet në proces.
• Siguron administrimin dhe ruajtjen e dokumentacionit dhe të historikut të komunikimeve institucionale.

Kualifikimet

• Diplomë universitare, preferohet në Drejtësi, Administrim Publik, Shkenca Politike, Ekonomi, Biznes ose fusha të ngjashme.
• Përvojë pune 2–4 vjet në marrëdhënie institucionale, procedura administrative, drejtësi, çështje rregullatore, administratë publike ose fusha të ngjashme.
• Njohuri të mira të legjislacionit dhe procedurave administrative në Republikën e Shqipërisë.
• Aftësi shumë të mira organizative dhe administrative.
• Aftësi të shkëlqyera komunikuese dhe bashkëpunuese.
• Aftësi për të menaxhuar disa procedura njëkohësisht dhe për të respektuar afate të përcaktuara.
• Aftësi të mira në përgatitjen e raporteve dhe administrimin e dokumentacionit.
• Njohuri shumë të mira të paketës Microsoft Office, veçanërisht Word dhe Excel.
• Integritet, korrektësi, konfidencialitet dhe përgjegjshmëri të lartë profesionale.
• Përparësi do të ketë kandidati me formim dhe përvojë juridike në menaxhimin e lejeve, licencave apo përvojë në procedurat e regjistrimit të pasurive të paluajtshme .

Aftësitë e kërkuara

• Përgjegjshmëri dhe përkushtim në ndjekjen e detyrave.
• Vëmendje e lartë ndaj detajeve.
• Aftësi për të ndjekur një çështje deri në përfundimin e saj.
• Aftësi për të identifikuar në kohë problematikat dhe për t’i adresuar ato.
• Aftësi për bashkëpunim ndërmjet strukturave të ndryshme të kompanisë.
• Gjykim i mirë profesional dhe respektim i rregullave të konfidencialitetit.
• Aftësi për të punuar në mënyrë të pavarur dhe për të raportuar në mënyrë të qartë dhe të strukturuar.

Shënime

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në adrese: [email protected]

Pas shqyrtimit do të kontaktohen vetëm kandidatët e përzgjedhur.

Afati i dorëzimit: 15.10.2026.

“ORION Shpk”, i mbledh dhe administron aplikimet dhe CV nëpërmjet emailit zyrtar [email protected] , nga ana juaj si kandidatë, me pëlqimin tuaj të shprehur qartë, si dhe në përputhje me legjislacionin e mbrojtjes së të dhënave personale (Ligji nr.124/2024 “Për mbrojtjen e të dhënave personale”). Të dhënat tuaja personale do të përpunohen vetëm për qëllime të procedurës së përzgjedhjes së kandidatit të përshtatshëm për pozicionin e punës.

Të dhënat tuaja personale (në cilësinë e kandidatit për punë), do të përpunohen në përputhje me Ligjin nr. 124/2024 “Për mbrojtjen e të dhënave personale”, dhe Udhëzimin nr. 42, datë 22.07.2014 “Për përpunimin e të dhënave personale të kandidatëve për punë”, miratuar nga Komisioneri për të Drejtën e Informimit dhe Mbrojtjen e të Dhënave Personale, si dhe Rregulloren e brendshme për mbrojtjen e të dhënave personale (miratuar nga “ORION Shpk”). Kjo vlen veçanërisht për parimet e mbrojtjes së të dhënave, kriteret ligjore të përpunimit, konfidencialitetin dhe sigurinë e të dhënave personale. Të dhënat tuaja aksesohen vetëm nga Departamenti i Burimeve Njerëzore, te cilat kane detyrimin për konfidencialitet. Çdo kandidat, gëzon dhe mund të kërkojë ushtrimin e të drejtave të tij ligjore lidhur me të dhënat e tij personale (e drejta e aksesit, ankimit, korrigjimit, fshirjes, kundërshtimit, etj parashikuar në ligj). Të dhënat e kandidatëve jo fitues do të fshihen ose shkatërrohen në momentin e përzgjedhjes së fituesit. Nëse kandidati ka ndonjë pyetje ose kërkesë në lidhje me përpunimin e të dhënave të tij personale, ai duhet t'i drejtohet “ORION Shpk”, në adresën e emailit [email protected]. Një inofmracion më të zgjeruar do të gjeni në “Politikën e Privatësisë” të publikuar në faqen tonë web: https://www.orion.al/.