Përshkrimi

Rreth Lagardère Travel Retail

Lagardère Travel Retail është një nga operatorët lider në nivel botëror në sektorin e travel retail, duke menaxhuar dyqane, koncepte ushqimi dhe pijesh, si dhe shërbime të tjera tregtare në aeroporte, stacione hekurudhore dhe qendra të tjera udhëtimi në më shumë se 40 vende.

Qëllimi i Pozicionit

Inventarizuesi/ja është përgjegjës/e për monitorimin, kontrollin dhe mirëmbajtjen e saktë të inventarit, duke siguruar që produktet të jenë të regjistruara, të sistemuara dhe të dokumentuara në përputhje me procedurat e kompanisë.

Roli përfshin kontrollin fizik të stokut, përditësimin e të dhënave të inventarit, evidentimin dhe raportimin e diferencave, si dhe bashkëpunimin me ekipet përkatëse për të garantuar saktësinë e inventarit dhe disponueshmërinë e produkteve.

Detyrat

• Evidenton, numëron dhe inventarizon produktet në përputhje me procedurat dhe standardet e kompanisë.
• Kryen kontrolle të rregullta fizike të stokut dhe verifikon përputhjen midis stokut fizik dhe të dhënave në sistem.
• Sistemon dhe organizon produktet në mënyrë të rregullt dhe të përshtatshme për procesin e inventarizimit.
• Përditëson të dhënat e inventarit dhe siguron që informacioni të jetë i saktë dhe i përditësuar.
• Identifikon, analizon dhe evidenton diferencat e mundshme në inventar.
• Raporton çdo mospërputhje, mungesë ose tepricë stoku që mund të tregojë humbje, gabime operative ose probleme në menaxhimin e stokut.
• Kryen kontrolle cilësie dhe evidenton produktet e dëmtuara, të skaduara ose ato që nuk përmbushin standardet e kërkuara.
• Përgatit dhe mirëmban të dhënat dhe raportet e nevojshme lidhur me inventarin.
• Përdor Microsoft Excel për organizimin, përpunimin dhe analizimin e të dhënave të inventarit.
• Bashkëpunon ngushtë me departamentet përkatëse për të hetuar dhe zgjidhur diferencat e inventarit.
• Siguron respektimin e procedurave të brendshme dhe standardeve të kompanisë gjatë procesit të inventarizimit.
• Kontribuon në ruajtjen e një niveli të lartë saktësie dhe kontrolli mbi stokun.
  
  

Kualifikimet

• Arsim i mesëm; arsimi i lartë përbën avantazh.
• Eksperiencë e mëparshme si Inventarizues/e ose në pozicione të ngjashme.
• Kërkohet me eksperiencë në inventar jo më pak se 2/3 vite.
• Eksperiencë në magazinë, logjistikë ose menaxhim stoku.
• Aftësi shumë të mira në punën me shifrat dhe të dhënat numerike.
• Aftësi të mira analitike dhe logjike.
• Vëmendje e lartë ndaj detajeve dhe përkushtim ndaj saktësisë.
• Njohuri të avancuara të Microsoft Excel, duke përfshirë përdorimin e formulave dhe funksioneve, filtrimin, organizimin dhe analizimin e të dhënave.
• Aftësi për të identifikuar dhe analizuar diferencat në inventar.
• Aftësi të mira organizative dhe menaxhim të mirë të kohës.
• Aftësi të mira komunikimi dhe bashkëpunimi me ekipet.
• Përgjegjshmëri, korrektësi dhe integritet në trajtimin e të dhënave të inventarit.
• Aftësi për të punuar në mënyrë të pavarur dhe në ekip.
• Gatishmëri për punë që përfshin aktivitet fizik të lehtë.

Shënime

Çfarë Ofrojmë

• Kontratë të përhershme pune, në përputhje me Kodin e Punës.
• Pagë konkurruese.
• Bonus vjetor bazuar në performancë.
• 22 ditë leje vjetore të paguara.
• Vakt ushqimi i ofruar nga kompania.
• Transport Tiranë–Rinas / Rinas–Tiranë.
• Sigurim privat shëndetësor.
• Ambient pune dinamik dhe ndërkombëtar.
• Mundësi zhvillimi profesional dhe ngritjeje në karrierë.

Vendndodhja dhe Orari

• Vendndodhja: Aeroporti Ndërkombëtar i Tiranës (TIA)
• Orari: Full-Time, 40 orë në javë
• Ditët e punës: E Hënë – E Premte
• Orari: 09:00 – 17:00
  
  

Nëse je i/e mirë me shifrat, i/e vëmendshëm/me ndaj detajeve dhe i/e organizuar në punën tënde, ky pozicion mund të jetë mundësia e duhur për ty. Nëse ke gjithashtu njohuri të avancuara në përdorimin e Microsoft Excel, aftësi për të përpunuar dhe interpretuar të dhënat, si dhe për të identifikuar me saktësi diferencat në inventar, atëherë mezi presim të të njohim!

Apliko ne: Email: [email protected]

WhatsApp: +355 69 80 80 033

Bashkohu me ekipin e Lagardère Travel Retail dhe bëhu pjesë e një kompanie lider globale në industrinë e travel retail! ????