Përshkrimi

PROGEEN sh.p.k. është një kompani ndërtimi që operon në tregun Shqiptar që prej vitit 2013 në fushën e ndërtimit si Investitor dhe Kontraktor Kryesor. Vlerat kryesore të PROGEEN sh.p.k. janë profesionalizmi, besueshmëria dhe cilësia e lartë e ndërtimit duke përfshirë zgjidhje bashkëkohore në çdo projekt. PROGEEN Sh.p.k. çmon më së shumti kapitalin njerëzor të profesionistëve, të cilit i beson suksesin e çdo projekti.

Roli: Inxhinier Ndërtimi në Zbatim
Vendndodhja: Durrës

Përmbledhja e Rolit: Inxhinieri i Zbatimit është përgjegjës për planifikimin dhe organizimin e sheshit të ndërtimit në përputhje me projektin, preventivin, specifikimet teknike, grafikun e punimeve deri në fazën e dorëzimit të objektit. Kryen kontrolle ditore përpara fillimit të punës dhe pas mbarimit të saj. Mban raport ditor të punës ndërtimore përpara Menaxherit të Projektit. Zbaton K.T.Z., rregulloren e shëndetit dhe të sigurisë në punë, sëbashku me personat e trajnuar për ndihmën e parë. Koordinon me teknikun e ndërtimit për porositjen e materialeve dhe nevojave për realizimin e proceseve ditore në respektim të grafikut të punimeve.

Detyrat

Detyrat dhe Përgjegjësitë kryesore:

• Monitoron dhe kontrollon zbatimin e punimeve në kantier sipas projektit dhe dokumentacionit kontraktual;
• Siguron që punimet të kryhen sipas standardeve të cilësisë, sigurisë dhe afateve të përcaktuara;
• Koordinon aktivitetet ndërtimore ndërmjet nënkontraktorëve dhe ekipeve të ndryshme teknike;
• Kontrollon përputhjen e punimeve të zbatimit me planet strukturore, MEP dhe arkitekturore;
• Raporton për progresin e punimeve, problemet teknike dhe propozimet për përmirësim;
• Ndjek zbatimin e procedurave të kontrollit të cilësisë (QA/QC) në të gjitha fazat e punës;
• Identifikon mospërputhje ose devijime nga projekti dhe ngre RFI për sqarim teknik;
• Siguron që materialet të përdoren në përputhje me specifikimet teknike dhe të reduktohen mbetjet;
• Asiston në përgatitjen dhe verifikimin e As Built Drawings për punimet e përfunduara;
• Mban dhe përditëson Ditarin e Kantierit duke regjistruar aktivitetet ditore, kushtet e punës, forcat punëtore, pajisjet, materialet dhe çdo incident apo vonesë;
• Asiston në hartimin e planeve ditore/javore të punimeve dhe mbështet Menaxherin e Kantierit;
• Bashkëpunon me inxhinierët e dizajnit, mbikëqyrësit dhe supervizorët për zgjidhjen e çështjeve teknike në terren.

Kualifikimet

Kualifikimet dhe Aftësitë kryesore:

• Të jetë diplomuar në Inxhinieri Ndërtimi;
• Të ketë eksperiencë pune mbi 3 vjet;
• Të jetë i azhornuar me çmimet e tregut për proceset e ndryshme të punimeve për ndërtime civile dhe industriale;
• Të ketë aftësi për të sugjeruar zgjidhje dhe për të marrë vendime;
• Të jetë i aftë të punojë në grup, në bashkëpunim me anëtarët e tjerë të stafit të shoqërisë;
• Të njohë programet bazë kompjuterike si Microsoft Office, Microsoft Project, AutoCad 2D&3D, etj.
• Të ketë njohuri të mira të gjuhës angleze;

Shënime

Përfitimet:

• Një ambient mikpritës dhe dinamik, në të cilin keni mundësi dhe hapësirë për t'u rritur profesionalisht;
• Përfshija në projekte sfiduese;
• Mbështetje për zhvillimin tuaj personal dhe profesional.

Mënyra e aplikimit:
Të interesuarit të dërgojnë CV-në në adresën [email protected] (duke specifikuar në subjekt të email-it titullin e pozicionit) brenda datës 30/09/2026.

*Të gjitha aplikimet do të trajtohen me konfidencialitet të plotë sipas ligjit Nr. 124/2024, “Për Mbrojtjen e të Dhënave Personale”