Përshkrimi

Kerkohet te punesohet Drejtor Shitjesh që do të marrë përgjegjësinë për drejtimin dhe zhvillimin e gjithë aktivitetit të shitjeve të kompanisë, duke mbuluar portofolin e automobilave Renault, Dacia dhe Nissan, si edhe markat e motoçikletave Vespa, Piaggio, Aprilia dhe Moto Guzzi.

Ky është një rol me përgjegjësi të gjerë dhe me fokus të drejtpërdrejtë në rritjen e biznesit, ndërtimin e strukturës së shitjeve dhe krijimin e një organizimi komercial të qëndrueshëm dhe të orientuar drejt rezultateve.

Nuk kërkojmë thjesht një menaxher që të ndjekë targetet dhe të raportojë rezultatet. Kërkojmë një lider komercial, i cili të marrë ownership mbi funksionin e shitjeve, të kuptojë tregun, të ndërtojë ekipin e duhur dhe të krijojë një sistem shitjesh që gjeneron dhe rrit rezultatet.

Detyrat

• Drejtimi i funksionit të shitjeve
• Të marrë përgjegjësinë e plotë për performancën e shitjeve të biznesit.
• Të zhvillojë dhe zbatojë strategjinë komerciale për të gjitha markat;
• Të përcaktojë objektivat e shitjeve, KPI-të dhe mënyrën e matjes së performancës;
• Të analizojë vazhdimisht rezultatet, pipeline-in, lead-et, conversion rate, produktivitetin e ekipit dhe rentabilitetin e shitjeve;
• Të identifikojë mundësi të reja për rritje dhe të ndërmarrë iniciativa konkrete për zhvillimin e biznesit.
• Ndërtimi i strukturës së shitjeve
• Një nga përgjegjësitë kryesore të këtij pozicioni do të jetë krijimi dhe zhvillimi i strukturës së shitjeve.

Drejtori i Shitjeve do të ketë autonominë dhe përgjegjësinë për:

• Të vlerësuar strukturën aktuale të ekipit;
• Të përcaktuar strukturën optimale të departamentit;
• Të propozuar dhe ndërtuar ekipin sipas nevojave të biznesit;
• Të përcaktuar rolet, përgjegjësitë dhe objektivat individuale;
• Të rekrutuar, zhvilluar dhe drejtuar talentet e shitjeve;
• Të krijuar një kulturë performance dhe accountability;
• Të vendosur procese të qarta nga gjenerimi i lead-it deri te mbyllja dhe dorëzimi i shitjes.

Pra, nuk kërkojmë dikë që thjesht të menaxhojë një strukturë ekzistuese, por dikë që të jetë në gjendje ta ndërtojë dhe ta zhvillojë atë.

• Zhvillimi i biznesit
• Të zhvillojë strategji për rritjen e shitjeve të Renault, Dacia dhe Nissan;
• Të analizojë tregun, konkurrencën, çmimet, ofertat dhe sjelljen e konsumatorit;
• Të identifikojë segmente të reja klientësh dhe mundësi të reja biznesi;
• Të zhvillojë marrëdhënie me klientë strategjikë dhe partnerë të rëndësishëm;
• Të jetë aktiv në negociatat me klientët dhe marrëveshjet me rëndësi për kompaninë.
• Menaxhimi i performancës
• Të vendosë objektiva të qarta për ekipet dhe individët;
• Të monitorojë performancën në mënyrë periodike;
• Të identifikojë problematikat dhe të ndërhyjë me plane konkrete për përmirësim;
• Të krijojë një sistem të qartë raportimi dhe forecast-i;
• Të garantojë që vendimmarrja komerciale bazohet në të dhëna dhe jo vetëm në perceptime.
• Bashkëpunimi ndërdepartamental

Kualifikimet

Kë kërkojmë?

• Kërkojmë një person me eksperiencë të konsoliduar në shitje dhe drejtim ekipesh, me mentalitet të fortë biznesi dhe me aftësi për të ndërtuar struktura dhe procese.

Profili ideal duhet të jetë:

• Lider, jo vetëm administrator;
• Shumë komercial dhe i orientuar drejt rezultateve;
• I aftë të ndërtojë dhe drejtojë ekipe;
• I fortë në negociim dhe menaxhim klientësh;
• Analitik dhe i orientuar drejt KPI-ve;
• Proaktiv dhe i aftë të marrë vendime;
• Me aftësi të forta organizative dhe strategjike;
• I aftë të punojë me objektiva ambicioze dhe presion performance;
• Me mentalitet “business owner” dhe jo thjesht “employee”.
• Eksperienca në automotive është një avantazh i rëndësishëm, veçanërisht nëse kandidati ka punuar në distributorë, dealerë, retail automotive ose struktura të ngjashme.

Megjithatë, jemi të hapur edhe ndaj kandidatëve shumë të fortë nga industri të tjera, nëse kanë eksperiencë të provuar në drejtimin e organizatave të shitjeve, retail-it, premium brands ose bizneseve me volum të konsiderueshëm dhe objektiva agresive.

Çfarë do të vlerësojmë veçanërisht?

• Ne kërkojmë dikë që kur të shohë një problem të mos presë udhëzime, por të vijë me një zgjidhje.
• Dikë që kur të marrë një target nuk pyet vetëm “si ta realizojmë?”, por mendon:
• “Çfarë strukture, ekipi, procesi dhe strategjie na duhet për ta tejkaluar?”

Ky është një rol për një person që dëshiron të ketë ndikim real në biznes, të ndërtojë ekipin e tij dhe të shohë rezultatet e punës së tij drejtpërdrejt në rritjen e kompanisë.

Shënime

Çfarë ofrojme:

• Një rol drejtues me përgjegjësi të drejtpërdrejtë mbi funksionin e shitjeve;
• Autonomi për të ndërtuar dhe zhvilluar strukturën e ekipit;
• Mundësi për të ndikuar drejtpërdrejt në strategjinë dhe zhvillimin e biznesit;
• Një portofol të gjerë markash automotive dhe premium motorcycle;
• Një mjedis ku performanca, iniciativa dhe rezultatet kanë ndikim real në biznes;
• Paketë konkurruese, në përputhje me eksperiencën dhe përgjegjësitë e rolit.

Nëse nuk kërkon thjesht një pozicion drejtues, por një rol ku mund të ndërtosh një organizatë shitjesh dhe të ndikosh realisht në rritjen e një biznesi, duam të të njohim.

Për aplikime dhe më shumë informacion:

+355 69 8090 143
[email protected]