Përshkrimi

Përshkrimi i Punës – Menaxher i Cilësisë (Quality Manager)

Menaxheri i Cilësisë është përgjegjës për projektimin, mirëmbajtjen dhe përmirësimin e vazhdueshëm të Sistemit të Menaxhimit të Cilësisë (QMS) në të gjitha njësitë e AZ Group. Ai/ajo siguron që proceset, procedurat dhe standardet e cilësisë të zbatohen në përputhje me kërkesat ligjore, çertifikimet e kompanisë, standardet ndërkombëtare dhe objektivat strategjikë të kompanisë. Pozicioni ka autoritet të pavarur në vendimmarrjen që lidhet me cilësinë dhe raporton drejtpërdrejt te Bordi Drejtues.

Detyrat

Detyrat dhe përgjegjësitë kryesore:

• Harton, mirëmban dhe përmirëson Sistemin e Menaxhimit të Cilësisë (QMS) në të gjitha njësitë e grupit.
• Harton, standardizon dhe kontrollon procedurat standarde të punës (SOP), udhëzimet, formularët dhe dokumentacionin e cilësisë.
• Menaxhon kontrollin e dokumentacionit, versionet, miratimet dhe rishikimet periodike.
• Siguron zbatimin e procedurave në terren dhe trajnon stafin përkatës për standardet e cilësisë.
• Menaxhon procesin e moskonformiteteve dhe veprimeve korrigjuese e parandaluese (CAPA), duke kryer analizën e shkakut rrënjësor dhe ndjekur zbatimin e veprimeve deri në mbyllje.
• Drejton dhe koordinon auditimet e brendshme, auditimet e jashtme, certifikuese dhe ato të klientëve.
• Mirëmban dhe rinovon certifikimet e kompanisë dhe garanton përputhshmërinë me standardet dhe kërkesat rregullatore.
• Përcakton standardet e cilësisë për lëndët e para, furnitorët dhe kontrollet gjatë procesit të prodhimit.
• Siguron gjurmueshmërinë e loteve dhe regjistrimeve të prodhimit sipas kërkesave të klientëve dhe certifikimeve.
• Zhvillon kapacitetet e stafit dhe promovon kulturën e cilësisë në të gjithë organizatën.
• Përcakton, monitoron dhe raporton treguesit kryesorë të performancës së cilësisë (KPI) dhe rreziqet e lidhura me cilësinë te Bordi Drejtues.

Kualifikimet

• Arsim i lartë në teknologji ushqimore, kimi/biokimi, biologji, inxhinieri kimike/industriale ose fusha të ngjashme, ose në menaxhim biznesi (por të ketë background të verifikueshëm në trajnime për QMS dhe eksperiencë praktike në këtë fushë).
• Minimumi 5–7 vjet eksperiencë në një rol menaxhimi cilësie në industri në një mjedis prodhimi.
• Eksperiencë e provuar në hartimin dhe zbatimin e procedurave (SOP) dhe në drejtimin e një QMS.
• Njohuri praktike të HACCP, ISO 9001 & ISO 22000.
• Përvojë në përgatitjen dhe kalimin me sukses të auditimeve të jashtme dhe çertifikuese.
• Njohuri shumë të mira të gjuhës angleze (klientë, auditorë dhe dokumentacion i BE-së).
• Gatishmëri për të punuar në vendndodhjen në Lezhë.

Shënime

Pse ky rol

• Rol drejtues për të drejtuar dhe forcuar funksionin e cilësisë të një kompanie që po zgjerohet drejt tregut evropian me produkte unike në industri specifike.
• Autoritet dhe pavarësi - vendimet për cilësinë merren autonome në linjë me proçedurat, me raportim të drejtpërdrejtë te Bordi Drejtues.
• Një grup kompanish unik ne WB6 në rritje, i orientuar drejt eksportit, në një sektor me mbështetje të fortë rregullatore.

Si të aplikoni

Dërgoni CV-në [email protected], ose aplikoni drejtpërdrejt përmes kësaj shpalljeje.

Vendndodhja: Lezhë, me mundësi fleksibiliteti të kufizuar në zyrat e kompanisë në Tiranë