Përshkrimi i kompanisë

Fashion Group Albania është një nga kompanitë lider në tregun shqiptar të shitjes me pakicë të modës së huaj dhe tashme pjese e Albi Group. FGA eshte themeluar në vitin 2005 dhe  operon si përfaqësuese ekskluzive e disa prej brandeve më të njohura ndërkombëtare në industrinë e modës dhe aksesorëve, si:
Mango, Parfois, Springfield,  Cortefiel,Geox, Okaïdi, Carpisa, Women’secret, Aldo,Prenatal,Tom Tailor.

Albi Group, I themeluar mbi 30 vjet më parë nga familja Humolli ne Prishtine, Kosove, është rritur nga një biznes i vogël familjar në një lojtar të madh në shitjen me pakicë, pasuri të paluajtshme, shpërndarjen e mallrave të konsumit të shpejtë (FMCG), shërbimet ushqimore dhe mikpritjen.
Albi Group është i përkushtuar ndaj kënaqësisë së klientit, përgjegjësisë sociale dhe qëndrueshmërisë mjedisore, duke formësuar një të ardhme më të mirë për komunitetin.

Me rrjetin e saj të dyqaneve në Shqipëri, Fashion Group Albania synon t’u ofrojë klientëve një përvojë blerjeje cilësore, koleksione në linjë me trendet globale dhe shërbim profesional.