Fakti që jeni përzgjedhur për intervistë do të thotë se punëdhënësit tashmë i ka lënë shumë përshtypje CV-ja juaj saqë dëshiron tju takojë. Ajo çfarë ju duhet të bëni është ta kaloni me sukses dhe këtë fazë që puna të bëhet e juaja. Mirëpo që një gjë e tillë të ndodhë duhet që të respektoni disa rregulla gjatë intervistës si, qëndrimi korrekt, buzeqeshja, arritja në kohë, të dëgjuarit aktiv etj. Nga studimet është vënë re se edhe pse të intervistuarit i respektojnë rregullat e lartpërmendura, përsëri ata bëjnë disa gabime që iu kushtojnë humbjen e punës. Më poshtë listohen 6 prej këtyre:

1. Mungesa e informacionit për kompaninë apo pozicionin e punës - Ajo çfarë punëdhënësit duan janë njerëy entuziastë dhe që marrin përsipër iniciativa. Mëyra më e mire për ta treguar këtë është të bëni kërkime paraprake dhe të vini të përgatitur.
2. E folura me klishe - “Unë jam perfeksionist në atë që bëj”, “Unë punoj jashtë zakonisht shumë” dhe shprehje të tilla si këto janë shumë të dëgjuara nga punëdhënësit. Ajo çfarë ju duhet të bëni është të jepni përgjigje reale dhe të tregoni gjëra që vërtetë tregojnë diçka për veten tuaj.
3. Gënjeshtrat- Jini realist si në gjërat që keni shkruar në CV ashtu edhe në gjërat që thoni gjatë intervistës në mënyrë që të krijoni një profil të vërtetë të asaj se çfarë ju jeni.
4. E folura keq për punëdhënësin apo kolegët e mëparshëm – Mos flisni gjëra negative për të tjerët edhe nëse ata e meritojnë këtë. Një gjë e tillë ju bën të dukeni fëmijërorë dhe mendje ngushtë dhe askush nuk dëshiron t’i punësojë persona të tillë.
5. Mos bërja e pyetjeve – Në një moment intervistuesi pyet “Keni ndonjë pyetje?” dhe ju asnjëherë nuk duhet t’i pergjigjeni me jo kësaj pyetjeje. Fakti që nuk bëni pyetje tregon një mungesë interesi dhe entuziazmi. Ju duhet të jini kuriozë mbi organizatën, mbi pozicionin e punës si edhe për kulturën e kompanisë.
6. E folura në telefon gjatë intervistës - Totalisht e papranueshme!