Në një epokë ku lavdërohet produktiviteti dhe “busy” është sinonim i vlerës, suksesi duket sikur matet me sa pak kohë ke për veten.

Por nën shkëlqimin e “karrierës së përsosur” fshihet një e vërtetë e lodhshme: gjithnjë e më shumë njerëz po paguajnë një çmim shumë të lartë për të qenë “të suksesshëm”.

Jo gjithmonë me para , por me orë të gjata, stres të përhershëm dhe qetësi që zhduket pak nga pak.

Ja 10 të vërteta që ia vlen t’i dish për “koston e suksesit” në botën moderne 

• Rroga e lartë shpesh vjen me orar të gjatë

Sa më shumë fiton, aq më shumë të kërkohet. Shpesh, rroga e madhe blen jo vetëm kohën tënde , por edhe qetësinë, shëndetin dhe pushimin.

• Pushimet nuk janë më pushime

Laptopi udhëton me ty. Email-i nuk mbyllet kurrë. Dhe ndërsa trupi është në plazh, mendja është ende në zyrë.

• Suksesi i sotëm është më shumë për “imazh” se për përmbajtje

Postohet, tregohet, krahasohet. Dhe në fund, lodhesh duke ndjekur një version të vetes që jeton më shumë në rrjete se në realitet.

• Ambicia e shëndetshme është kthyer në garë të pafund

Nga “dua të përmirësohem” në “duhet të jem më i miri”. Ky kalim i padukshëm e kthen pasionin në presion.

• Kultura e ‘hustle’-it po na gënjen

Të punosh 12 orë në ditë nuk është gjithmonë shenjë suksesi ,ndonjëherë është shenjë frike për të mos mbetur pas.

• Shëndeti mendor është viktima e parë e suksesit

Pagjumësi, ankth, ndjenja boshllëku ,simptoma të zakonshme të “të suksesshmëve” që s’kanë më kohë të jenë njerëz.

• “Multitasking” është mashtrim

Duke bërë gjithçka njëherësh, nuk bën asgjë me mendje të qetë. Dhe produktiviteti i tepruar shpesh është mënyrë për të shmangur boshllëkun e brendshëm.

• Lumturia nuk matet me paga, por me kohën që kontrollon vetë

Suksesi nuk është orari i mbushur, por mundësia për të zgjedhur si ta mbushësh atë orar.

•  Shpërblimet materiale nuk kompensojnë lodhjen emocionale

 Një bonus mund të të japë një buzëqeshje për një ditë , por një trup dhe mendje të shëndetshme vlejnë më shumë afatgjatë.

• Rivlerëso përkufizimin tënd të suksesit

Ndoshta nuk ka të bëjë me pagën më të lartë, por me jetën që të lë të marrësh frymë lirshëm.

Suksesi mund të jetë një ditë pa stres, një fundjavë pa e hapur laptopin ose thjesht të jesh mirë me veten.

“Nëse suksesi të lodh më shumë sesa të frymëzon, ndoshta nuk është suksesi yt.”