Eljana Mete, menaxhere e duapune.com dhe eksperte e fushës së punësimit, ishte e ftuar në emisionin televiziv “Aldo Morning Show”, ku foli për ndryshimet që po ndodhin në tregun e punës në Shqipëri, me fokus të veçantë tek pritshmëritë dhe sjelljet e Brezit Z.

Gjatë intervistës, ajo ndau disa nga vëzhgimet kryesore mbi dinamikat aktuale të tregut të punës:

• Kërkesat e reja të punonjësve: Mete theksoi se është në rritje kërkesa për punë në distancë dhe fleksibilitet në orar. Brezi Z ka pritshmëri të ndryshme nga brezat e mëparshëm, duke vlerësuar më shumë balancën mes jetës personale dhe profesionale.

• Sfidat e punëdhënësve: Punëdhënësit përballen me sfida për të motivuar këtë brez, pasi të rinjtë shpesh kërkojnë kushte më fleksibël dhe mënyra pune që ofrojnë më shumë pavarësi dhe hapësirë krijuese.

• Dallimet ndërbreznore: Ajo theksoi se mosha 35+ tregon më shumë disiplinë dhe përgjegjshmëri në punë, duke respektuar oraret dhe afatet, ndërsa Brezi Z sjell energjinë e inovacionit dhe kërkesën për ndryshim.

Eljana nënvizoi se duapune.com vazhdon të jetë pararojë në tregun shqiptar të punësimit, jo vetëm si platformë kryesore që lidh punëdhënësit me punëkërkuesit, por edhe falë investimeve të vazhdueshme në teknologji dhe inovacion.
Portali ka integruar inteligjencën artificiale në procesin e regjistrimit dhe skanimit të CV-ve, duke mundësuar përputhje më të sakta mes kandidatëve dhe pozicioneve të lira të punës.

Për më tepër, për të ndihmuar kandidatët të orientohen më mirë në tregun e punës, ekipi profesionist i duapune.com ofron një shërbim të dedikuar këshillimi për punëkërkuesit, që i ndihmon ata të aplikojnë në mënyrë më efektive sipas kategorisë dhe profilit të tyre.

Ky angazhim e konfirmon duapune.com si një partner të besueshëm dhe inovativ për profesionistët dhe kompanitë, në një treg pune që po evoluon me ritme të shpejta.

Video e plotë: