Ekipi i duapune.com mori pjesë aktivisht në Panairin e Punës të organizuar nga Universiteti Aleksandër Moisiu, Durrës, duke vijuar traditën e angazhimit në iniciativa që lidhin studentët me tregun e punës.

Si çdo vit, portali ynë u prezantua me një gamë të gjerë ofertash punësimi nga sektorë të ndryshëm. Qëllimi kryesor i duapune.com është këshillimi dhe orientimi i studentëve për të hyrë me sukses në tregun e punës, si dhe promovimi i mundësive konkrete për punësim, internship dhe trajnime që publikohen rregullisht në platformën tonë.

Studentë nga programe të ndryshme studimi shfaqën interes të lartë dhe u angazhuan aktivisht për të marrë informacion mbi hapat që duhet të ndjekin për të ndërtuar karrierën e tyre profesionale.

duapune.com ishte prezent gjatë gjithë aktivitetit, duke ofruar mbështetje, udhëzime praktike dhe mundësi reale për integrim në tregun e punës.