Mbrëmjen e datës 3 Tetor 2025, në kuadër të panairit teknologjik Future2Tech, u zhvillua ceremonia e ndarjes së çmimit “Tan Mezini”, një nga vlerësimet më të rëndësishme për inovacionin në Shqipëri. Ky çmim, tashmë i kthyer në një traditë të çmuar, u dha për të nderuar figura të reja në fushën e sipërmarrjes dhe teknologjisë, në frymën e vizionarit Dritan (Tan) Mezini – bashkëthemelues i duapune.com dhe një mbështetës i palodhur i inovacionit shqiptar.

Fituesi i këtij viti ishte startup-i Eco Charger, i cili u vlerësua për qasjen e tij inovative ndaj energjisë së gjelbër dhe zgjidhjeve të qëndrueshme. Me një fokus të qartë në teknologji që ndihmon mjedisin dhe redukton ndotjen, Eco Charger po sjell produkte që mund të ndryshojnë mënyrën se si përdorim dhe menaxhojmë energjinë.

Çmimi “Tan Mezini”, u dorëzua nga Ejana Mete dhe Eldri Mezini.

Ceremonia ishte pjesë e aktivitetit përmbyllës të Future2Tech 2025, një panair që mbledh së bashku startup-e, investitorë dhe profesionistë të teknologjisë.

Ky vlerësim është një kujtesë e fuqishme se vizioni, guximi dhe ideja e duhur mund të kenë ndikim të madh, ashtu siç kishte Tan Mezini, i cili vijon të frymëzojë breza të rinj drejt së ardhmes.