Kemi kënaqësinë të ndajmë me ju se sesioni i vjeshtës 2025 i Akademisë së Burimeve Njerëzore është mbyllur me sukses, duke shënuar një tjetër hap të rëndësishëm në përpjekjet tona për të kontribuar në zhvillimin profesional të komunitetit të HR-së në vend.

Gjatë këtij cikli, pjesëmarrësit ndoqën 6 module të strukturuara, të krijuara për t’u ofruar njohuritë dhe aftësitë më të kërkuara në fushën e Burimeve Njerëzore:

• Njohuri të përgjithshme në Burime Njerëzore

• Rekrutimi dhe Përzgjedhja e Punonjësve

• Ligji i të Dhënave Personale në Fushën e Punësimit

• Menaxhimi i Kontratave të Punës dhe Kodi i Punës

• Menaxhimi i Performancës dhe Plani i Zhvillimit

• Trajnimi dhe Zhvillimi i Punonjësve

Këto module u zhvilluan përmes një qasjeje të balancuar mes teorisë dhe praktikës, përfshirë diskutime dinamike, analiza rastesh reale dhe ushtrime ndërvepruese. Pjesëmarrësit patën mundësinë të thellonin njohuritë e tyre, të testonin aftësitë që zotërojnë dhe të zhvillonin kompetenca të reja që i ndihmojnë në sfidat e përditshme të profesionit.

Një tjetër vlerë e shtuar e këtij sesioni ishte bashkëpunimi i fortë mes pjesëmarrësve. Përmes punës në grupe dhe shkëmbimit të eksperiencave profesionale, u krijua një komunitet i gjallë dhe i angazhuar i të mësuarit, i cili pasuroi dukshëm përvojën e trajnimit.

Në përfundim të sesionit, të gjithë pjesëmarrësit u pajisën me Certifikata të licencuara nga Ministria e Ekonomisë, Kulturës dhe Inovacionit.

Sesioni i ardhshëm: Pranverë 2026

Me mbylljen e sesionit të vjeshtës, ekipi i Akademisë së Burimeve Njerëzore ka nisur përgatitjet për sesionin e ardhshëm – Pranverë 2026.

Klikoni këtu për t'u regjistruar.