Detaje të pozicionit

Përshkrimi

Union Bank është një bankë private me kapital 100% shqiptar me aksioner kryesor UFT. Që prej fillimit të aktivitetit në 2006, Union Bank ka shënuar rritje domethënëse në tregun bankar duke arritur mbi 600 milion EUR asete. Nëpërmjet një rrjeti prej 32 degësh dhe mbi 50 ATM, banka u shërben me mijëra klientëve që i kanë besuar financat e tyre personale dhe të biznesit dhe na kanë vlerësuar për shërbim cilësor dhe fleksibilitet. Ne jemi krenarë për standartet e larta të shërbimit të klientëve dhe vazhdojmë ti përmirësojmë ato.   Union Bank numëron mbi 400 punonjës, të cilët japin kontributin e tyre të paçmueshëm në arritjen e rezultateve të bankës. Ne i kushtojmë rëndësi të veçantë krijimit të një ambjenti pune, ku opinionet e punonjësve inkurajohen dhe vlerësohen. Gjithashtu, impenjohemi maksimalisht në trajnimin dhe zhvillimin e tyre. Aktualisht, po kërkojmë kandidatë të përshtatshëm për t'iu bashkuar skuadrës sonë në Departamentin e Administratës në pozicionin:
Drejtues i Njësisë së Prokurimit
Qëllimi i përgjithshëm i punës: Udhëheq ofrimin e një funksioni prokurimi efiçent, efektiv dhe me cilësi profesionale, të mirëkoordinuar për ofrimin e mallrave dhe shërbimeve. Aftësi për të ofruar vlerë për paratë në përputhje me të gjitha politikat, procedurat, strategjinë dhe objektivat e Bankës.

Detyrat

Përgjegjësitë kryesore te punës:

• Përgjegjës për kryerjen dhe udhëheqjen e të gjitha proceseve të prokurimit të Bankës me eficensë dhe efektivitet, për të maksimizuar vlerën e marrë nga furnizuesi dhe për të përmbushur objektivat në kohë, cilësi dhe terma financiare;
• Punon me çdo njësi biznesi të bankës për të planifikuar dhe udhëhequr proceset e prokurimit që nga identifikimi i nevojave fillestare deri në përfundimin e kontratës dhe ofrimin e mallrave ose të shërbimeve për të përmbushur nevojat e palëve kërkuese;
• Siguron zbatimin e standardeve, politikave, procedurave dhe KPI për të menaxhuar në mënyrë efektive dhe efikase proceset e prokurimit/blerjes dhe per te siguruar ne kohe permbushjen e kerkesave per te gjithë kompaninë;
• Kontribuon dhe mbështet personalisht negociatat me furnitorët për kontratat duke ofruar ekspertizë për të siguruar marrëveshjet më të favorshme në raportin cilësi-çmim, që ofrojnë kursim dhe reduktim të kostos;
• Përgatit dhe ekzekuton planin vjetor të prokurimit, në ndjekje të të gjitha projekteve të kërkuara bazuar në kontrata dhe duke siguruar përfshirje të hershme në çdo blerje dhe prokurim të ri; · Sugjeron në mënyrë të vazhdueshme rishikime dhe përmiresime në politikat dhe procedurat, marrëveshjet kontraktuale etj, bazuar në praktikat më të mira dhe eksperiencat në treg.
• Zhvillon dhe mirëmban një rrjet kontaktesh dhe partnerësh të përshtatshëm per shërbimet dhe nevojat e bankës;
• Menaxhon stafin e njësisë, udhëheq dhe motivon ata për rritje profesionale dhe zhvillim në linjë me strategjinë e bankës, evidenton aftësitë dhe nevojat për zhvillim të mëtejshem të aftësive dhe kompetencave të tyre.

Kualifikimet

Kërkesat e profilit:

• Eksperiencë minimuni 5 vjecare në aktivitetet e prokurimit blerjes veçanërisht në tendera dhe negociata;
• Përvojë e gjatë dhe e konsoliduar në ekzekutim dhe monitorim të proceseve të prokurimit, drejtimin e një strukture prokurimi, menaxhimin e proceseve dhe të kohës për arritjen e rezultateve optimale;
• Përfshirje personale në përgatitjet e politikave,standardeve dhe procedurave të proceseve të prokurimit, zhvillimin e strategjisë së blerjeve/prokurimit dhe identifikimin e rreziqeve dhe mundësive;
• Aftësi për të analizuar faktet, të dhënat dhe informacionin statistikor me qëllim të përgatitjes së analizës dhe dhënies së rekomandimeve për zgjidhje dhe paraqitjes së raporteve të plota dhe të sakta mbështetëse të propozimeve për prokurim;
• Aftësi për të kuptuar çmimet dhe tendencat e tregut dhe për të zbatuar interpretime të tilla në proceset e prokurimit;
• Aftësi të shkëlqyera komunikimi me fokus në shpjegimin e aktiviteteve të prokurimit tek një personel joprokurues (njësi biznesi) dhe përkthimin e kërkesave të njësive të biznesit në kërkesa/ftesa për ofertë;
• Njohuri Kompjuterike shume te mira te programeve– MS Office Word, Excel, Powerpoint etj;
• Eksperiencë në programe prokurimesh, përbën avantazh SAP;;
• I/E orientuar drejt realizimit të deadline për proceset si dhe zgjidhjes së situatave;
• Njohuri shumë të mira të gjuhës angleze.

Shënime

Personat e interesuar duhet të dërgojnë brenda datës 27 Maj 2022

• CV
• Letër "Shprehje Interesi" për Pozicionin Dokumentat duhet të dërgohen në adresën e-mail: [email protected]

Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore. Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, "Për mbrojtjen e të dhënave personale" dhe Udhëzimin Nr.42 datë 22.07.2014 "Për përpunimin e të dhënave personale të kandidatëve për punë". Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata. Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive. Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër. Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në [email protected]