Përshkrimi

Pozicioni i punës:  Account Manager
Kushtet e kontratës: Shumë të favorshme
Adresa e punës në:  Tiranë                                

Ftojmë të gjithë të interesuarit për pozicionin Account Manager në një kompani që operon prej shumë vitesh në treg. Qëllimi i këtij pozicioni është rritja dhe menaxhimi i portofolit të kompanisë me klientë që operojnë në tregun shqiptar duke i ofruar shërbimet e marketingut të dixhitalizuar dhe platformave të besnikërimit të klientëve/konsumatorëve.Njohuritë dhe përvoja në shitjen e shërbimeve janë shumë të rëndësishme në vlerësimin e kandidatëve.

Detyrat

• Identifikimi dhe rritja e portofolit me kompani/klientë që operojnë në treg.
• Realizimi i takimeve me klientët dhe prezantimi i shërbimeve të marketingut të dixhitalizuar dhe platformave të besnikërimit të klientëve/konsumatorëve.
• Ndërveprimi aktiv me klientët dhe përditësimi me nevojat e tyre.
• Monitorimi i procesit të shitjes dhe përgatitja e planit të punës.
• Këshillimi i klientëve për t’u ofruar shërbimet/produktet që i përmbushin më shumë e më mirë nevojat e tyre.
• Shërbimi në mënyrë aktive ndaj nevojave të klientëve dhe sigurimi që cilësia e shërbimit ndaj tyre i përmbush dhe tejkalon pritshmëritë.
• Ndërtimi i marrëdhënieve profesionale të punës me personat përgjegjës të kompanive/klientëve dhe rritja e bashkëpunimit me ta.
• Raportimi periodik i rezultateve të punës.

Kualifikimet

• Të njoh mirë tregun dhe të jetë i orientuar drejt rezultatit.
• Të ketë përvojë në shitjen e shërbimeve dhe menaxhimin e marrëdhënieve të bashkëpunimit.
• Të ketë përvojë në shitjen e shërbimeve dhe platformave (si shërbime marketing, platforma besnikërimi, aplikacione online të kartave të klientit, etj).
• Njohuri dhe përvojë në përdorimin e mjeteve dhe metodave për gjetjen e kompanive.
• Të përshtatet me kombinimin e punës në terren dhe në zyrë.
• Të jetë energjik e të ketë sens praktik, si edhe aftësi të mira në menaxhimin e kohës.
• Njohuri të programit CRM dhe MS Office.
• Të zotëroj patentë kategoria B.
• Preferohet të ketë Diplomë të nivelit Bachelor. Diplomimi në “Marketing”/”Administrim Biznesi” ose në fusha të ngjashme është avantazh.
• Të ketë njohuri të përdorimit të teknologjisë si dhe aplikacioneve që përdoren për informimin dhe shitjet online.

Shënime

Përfitimet:

• Të punuarit në një mjedis profesional që mundëson zhvillimin e karrierës.
• Pagë e kënaqshme.
• Puna e hënë – e premte 08:30-17:00, fundjava pushim.

Procedura e aplikimit:

Për të aplikuar për këtë pozicion, ju lutemi, dërgoni CV-në tuaj në adresën e emailit: [email protected]

* Të gjitha aplikimet do të trajtohen me konfidencialitet të rreptë sipas ligjit nr.9887 të vendosur nga Kuvendi i Shqipërisë për “Mbrojtjen e të Dhënave Personale”.