Përshkrimi

Neptun shpk është lider i shitjes me pakicë në sektorin e elektronikës konsumatore dhe elektroshtëpiakeve, pjesë e Grupit BALFIN. Që nga themelimi i tij në 1993, Neptun ka krijuar partneritete të qëndrueshme me marka të mirënjohura ndërkombëtare të teknologjisë, duke u ofruar konsumatorëve një gamë të gjerë prej mbi 7,500 produktesh si një rishitës i autorizuar. Përveç një rrjeti prej 30 dyqanesh fizike, kompania është pioniere e tregtisë elektronike në Shqipëri. Neptun është gjithashtu i pranishëm në Maqedoninë e Veriut (që nga viti 1998) dhe Kosovë (që nga viti 2007).

Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson mbi 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Pozicioni: Menaxher Kategorie (Gaming)

Departmenti: Komercial

Vendodhja:  Tiranë

Një menaxher kategorie është përgjegjës për implementimin e strategjisë për të zgjedhur dhe furnizuar kategorinë që menaxhon duke identifikuar shitës global dhe negociuar për kosto efektive.

Detyrat

• Përzgjedh dhe zbaton strategjinë për kategorinë që menaxhon sipas politikës së kompanisë.
• Hulumton linjat e produkteve dhe përvetëson njohuritë mbi to.
• Negocion për kosto më të favorshme dhe siguron që furnitorët e Neptun të kenë çmimet më të lira në treg.
• Analizon konkurrencën në treg dhe gamën e produkteve sipas kategorive.
• Është përgjegjës për promocionet e kompanisë në bashkëpunim me furnitorët.
• Zbaton planet e promocioneve në bashkëpunim me departamentin e marketingut dhe shitjes.
• Përgatit planin e punës për kategorinë që menaxhon.
• Siguron vendosjen strategjike të produkteve në ekspozitor.
• Mban përgjegjësi për shitjet dhe fitimin e kategorisë.
• Menaxhon stokun e produkteve.
• Bashkëpunon me furnitorët për të siguruar sasinë e nevojshme të produkteve , planifikimin e shpërndarjes dhe zgjidh problemet me çmimet.
• Negocion për kushtet më të mira për kompaninë bazuar në kriteret e kontratës.
• Zhvillon dhe zbaton plane biznesi për furnitorët dhe vendos objektiva specifike për furnitorët.
• Përmbledh të gjitha kushtet e kontratës dhe ua shpërndan atë palëve të interesuara (p.sh. Departamentit te Logjistikes, Ligjorit, Financës, Marketingut etj.).
• Mban marrëdhënie të qëndrueshme dhe pozitive me furnitorët.
• Bën dhe analizon raporte për të vendosur objektiva mbi shitjet dhe merr vendime për kategorinë.
• Përgjegjës për të gjitha dokumentet dhe të dhënat që i përkasin kategorisë.

Kualifikimet

• Diplomë universitare në Administrim Biznesi/Marketing ose Financë (Preferohet Master).
• Eksperienca pune: Së paku 3 vite përvojë pune në kompani të ngjashme.
• Aftësi të mira verbale dhe jo verbale në anglisht dhe shqip.
• Përdorues I avancuar I Paketës Office.
• Aftësi të shkëlqyera organizative dhe koordinuese.
• Aftësi për t’u përshtatur me situata të reja.
• Aftësi për të ruajtur konfidencialitetin.
• Njohës I ERP.
• Aftësi bashkëpunimi në grup.
• Aftësi për të influencuar të tjerët.
• Metodik dhe i organizuar.

Shënime

Kushtet e punës: Neptun ofron një paketë përfitimesh tërheqëse, duke përfshirë një pagë të drejtë bazuar në merita dhe vlerësimin e performancës.

Procedura e aplikimit: Kandidatët e interesuar mund të dërgojnë CV e tyre në adresën [email protected]

* Të gjitha aplikimet do të trajtohen me konfidencialitet të rreptë sipas ligjit nr.9887 të vendosur nga Kuvendi i Shqipërisë për “Mbrojtjen e të Dhënave Personale”