Përshkrimi i kompanisë

Shoqëria “F.K. Apollonia” Sh.a. menaxhon klubin e futbollit F.K. Apollonia, i cili përfshin skuadrën e parë si dhe skuadrat zinxhir të moshave. F.K.Apollonia ka ngritur një nga akademitë sportive të standardeve më të larta në vend. F.K. Apollonia ka në fokus zhvillimin e vazhdueshëm dhe arritjen e standardeve më të larta në mjedisin futbollistik shqiptar dhe këtë e ka vërtetuar përmes arritjeve të saj, ku mund të përmendim kualifikimin e skuadrës së parë në Kategorinë Superiore për sezonin 2020-2021, kualifikimin e ekipeve të moshave në kompeticionet e UEFA-s, si dhe ngritjen e akademisë për futbollin e femrave. Klubi ynë ka implementuar një tërësi normash dhe standardesh bashkëkohore, të cilat na mundësojnë dhe na lehtësojnë misionin tonë për të qenë në majat e futbollit shqiptar. Për këtë arsye, në mënyrë që standarded e implementuara të zbatohen në nivelin më të lartë të mundshëm si dhe të jetësohen objektivat tona, klubi kërkon të punësojë profesionistë të vërtetë të cilët kanë pasionin dhe dëshirën për tu zhvilluar më tej.